പരിസ്ഥിതി ദിനത്തില്‍ കവിതകൊണ്ട് പ്രകൃതിക്കൊരു ഒരു സ്നേഹസമ്മാനമൊരുക്കിയ കലാകാരനെ പരിചയപ്പെടാം. 'കാടിന്റെ ദുംഖം' എന്ന പേരില്‍ പുറത്തിറങ്ങിയ തന്റെ കവിതയിലൂടെ പരിസ്ഥിതി നേരിടുന്ന പ്രതിസന്ധികളെയാണ് ഹരിദാസ് ചേര്‍ത്തല എന്ന പ്രക്യതി സ്നേഹി ദൃശ്യവല്‍ക്കരിച്ചിരിക്കുന്നത്.
കാടിന്റെ നൊമ്പരമാണ് ഈ വരികളിലൂടെ പുനര്‍ജനിച്ചത്..കാടിനോടുള്ള കാടത്തങ്ങള്‍ അവസാനിപ്പിക്കണം എന്ന ഒാര്‍മപ്പെടുത്തലാണ് ഈ ദൃശ്യങ്ങള്‍. പ്രകൃതിക്കൊരു സ്നേഹ സാന്ത്വനമാണ് ഈ കവിത. ഹരിദാസ് ചേര്‍ത്തലയാണ് കവിതയെഴുതിയതും ഒപ്പം ദൃശ്യാവിഷ്ക്കാരത്തില്‍ അഭിനയിച്ചതും.പച്ചപ്പിനോടുള്ള പ്രണയം തന്നെയാണ് ഇതിനെല്ലാം പ്രചോദനമായതെന്ന് കവി പറയുന്നു
മരങ്ങളുടെയും പുഴയുടേയും ദയനീയ കഥ പറയാന്‍ തിരഞ്ഞെടുത്തത് ഇടുക്കിയെയാണ്. ആലപ്പി ഋഷികേശ്് സംഗീത സംവിധാനം നിര്‍വഹിച്ചിരിക്കുന്ന കവിത ആലപിച്ചത് അജയന്‍.പി ജയരാജാണ്.