പുകവലിക്കെതിരെ സന്ദേശവുമായി ഡോക്യുമെന്ററി. ജസ്റ്റിസ് കെ.എന് കുറുപ്പ് ആന്റി ടുബാക്കോ ഫൗണ്ടേഷന് തയാറാക്കിയ ഡോക്യുമെന്ററി മുഖ്യമന്ത്രി പിണറായി വിജയന് കൊച്ചിയില് പ്രകാശനം ചെയ്തു.
പുകവലിക്കെതിരായ അവബോധം സമൂഹത്തില് സൃഷ്ടിക്കുന്നതിന് ജസ്റ്റിസ് കെ.നാരായണക്കുറുപ്പ് നടത്തിയ പ്രവര്ത്തനങ്ങളാണ് 'ബാറ്റ്ലിങ് ദ എപ്പിഡെമിക്' എന്ന ഡോക്യുമെന്ററിയില് പ്രതിപാദിക്കുന്നത്. കോടതിയുടെ ഇടപെടലും പ്രചാരണപ്രവര്ത്തനങ്ങളും മൂലം പുകവലി കുറഞ്ഞിട്ടുണ്ടെങ്കിലും പുകവലിക്കെതിരായ പോരാട്ടം ഊര്ജിതമായി തുടരേണ്ടതുണ്ടെന്ന് ഡോക്യുമെന്ററി കണ്ടശേഷം മുഖ്യമന്ത്രി പിണറായി വിജയന് പറഞ്ഞു.
ജസ്റ്റിസ് വി.ആര്. കൃഷ്ണയ്യരുടെ സ്മരണയ്ക്കായാണ് ഡോക്യുമെന്ററി സമര്പ്പിച്ചിരിക്കുന്നത്.