സമകാലിക രാഷ്ട്രീയ-സാമൂഹിക വിഷയങ്ങളിൽ തന്റെ നിലപാടുകൾ വ്യക്തമാക്കി പൊതുപ്രവർത്തകനും സാമൂഹിക നിരീക്ഷകനുമായ രാഹുൽ ഈശ്വർ. മഹാത്മാഗാന്ധി ഉയർത്തിപ്പിടിച്ച മതസൗഹാർദ്ദം ഇന്ത്യയിൽ നിലനിർത്തുന്ന ഏക പാർട്ടി മുസ്ലിം ലീഗാണെന്നും പി.കെ. കുഞ്ഞാലിക്കുട്ടിക്ക് ഉപമുഖ്യമന്ത്രിയോ ആഭ്യന്തര മന്ത്രിയോ ആകാൻ അർഹതയുണ്ടെന്നും അദ്ദേഹം അഭിപ്രായപ്പെടുന്നു.
ലൗ ജിഹാദ്, ഹലാൽ ജിഹാദ് തുടങ്ങിയ ആരോപണങ്ങൾ രാഷ്ട്രീയ നാടകങ്ങളാണെന്ന് വിമർശിക്കുന്ന അദ്ദേഹം, ഹിന്ദുത്വം രാജ്യത്തിന് അപകടമാണെന്നും ഹിന്ദുവും ഹിന്ദുത്വവും രണ്ടായി കാണണമെന്നും വ്യക്തമാക്കുന്നു. ശബരിമല യുവതീപ്രവേശന വിധി യൂണിഫോം സിവിൽ കോഡിന് കളമൊരുക്കാനുള്ള നീക്കമായിരുന്നുവെന്നും മകരവിളക്ക് ആദിവാസി വിഭാഗത്തിന്റെ ദീപാരാധനയാണെന്നും അദ്ദേഹം ചൂണ്ടിക്കാട്ടുന്നു.
പുരുഷന്മാർ നേരിടുന്ന നിയമപരമായ വെല്ലുവിളികൾ പരിഹരിക്കാൻ പുരുഷ കമ്മീഷൻ രൂപീകരിക്കണമെന്നും രാഹുൽ ഈശ്വർ പറയുന്നു. തന്റെ ജയിൽ അനുഭവങ്ങളും ഗാന്ധിയൻ ദർശനങ്ങളും അഭിമുഖത്തിൽ പങ്കുവെക്കുന്നുണ്ട്.