പഞ്ചായത്തിലെ ഒരു വാർഡ് എടുത്താൽ അതിൽ എത്ര പ്രണയ വിവാഹിതർ കാണും. ചാലക്കുടി പരിയാരം പഞ്ചായത്തിലെ പതിനാലാം വാർഡിൽ നാൽപതു ദമ്പതികൾ പ്രണയ ശേഷം വിവാഹിതരായവരാണ്. വാലന്റൈൻസ് ഡേ പ്രമാണിച്ച് ഈ ദമ്പതികളെ ആദരിച്ചു.
പരിയാരം പഞ്ചായത്തിലെ പതിനാലാം വാർഡ് മെംമ്പർ വി.എം. ടെൻസന്റെ ആശയമാണിത്. തന്റെ വാർഡിലെ എല്ലാ പ്രണയ ദമ്പതികളേയും ആദരിക്കുക. വാർഡിലാകെ പരതിയപ്പോൾ നാൽപതു ദമ്പതികളെ കണ്ടെത്തി. വാലൻന്റെയ്സ് ഡേ പ്രമാണിച്ച് ഇവരെയെല്ലാം ക്ഷണിച്ചു. അനുമോദനം നൽകി. ഒപ്പം , സമ്മാനങ്ങളും.
പരിയാരം പഞ്ചായത്ത് പ്രസിഡന്റ് ഷാജി ജോസഫ് മാടോനയായിരുന്നു ഉദ്ഘാടകൻ. സിനിമാതാരം രമ്യ ഗംഗാധരനായിരുന്നു മുഖ്യാതിഥി. ഇരുപത്തിയഞ്ചു മുതൽ അറുപത്തിയേഴ് വയസ് വരെയുളള ദമ്പതികൾ സംഗമത്തിനെത്തി. പ്രണയിച്ചതിന്റെ ഓർമകൾ ഒരിക്കൽ കൂടി ഓർത്തെടുത്തായിരുന്നു ഓരോരുത്തരുടേയും മടക്കം.