ക്രൈസ്തവർക്കെതിരെയുണ്ടായ ആക്രമണങ്ങളിൽ പ്രതിഷേധം അറിയിച്ച് സിറോ മലബാർ സഭ

ക്രിസ്മസുമായി ബന്ധപ്പെട്ട് രാജ്യത്ത് ക്രൈസ്തവർക്കെതിരെയുണ്ടായ ആക്രമണങ്ങളിൽ പ്രതിഷേധം അറിയിച്ച് സിറോ മലബാർ സഭ. ഭാരതത്തിലെ ക്രൈസ്തവർ ആശങ്കയിലാണ്. ക്രൈസ്തവർക്കെതിരെയുള്ള 'ഒറ്റപ്പെട്ട' ആക്രമണങ്ങൾ വർദ്ധിച്ചുവരുന്നത് ഭയപ്പെടുത്തുന്ന യാഥാർഥ്യമാണ്.

മതരാഷ്ട്രത്തിന്റെ പട്ടികയിലേക്ക് ഇന്ത്യയെ കൂടെ ചേർക്കാൻ ആരെങ്കിലുമൊക്കെ ബോധപൂർവം ശ്രമിക്കുന്നു എന്നതിന്റെ തെളിവാണ് ഈ ആക്രമണങ്ങൾ. നേതാക്കന്മാരുടെ പക്വതയില്ലാത്ത പെരുമാറ്റം പലപ്പോഴും അണികൾക്കിടയിൽ വർഗീയ ചേരിതിരിവ് ഉണ്ടാക്കുന്നുവെന്നും സഭ ചൂണ്ടിക്കാട്ടി.