‘തനിക്കൊരു ന്യൂ ഇയർ ആശംസ പറഞ്ഞാലെന്താ’? കഞ്ചാവ് പ്രതി യുവാവിനെ കുത്തിവീഴ്ത്തി

തൃശൂർ നഗരത്തിൽ യുവാവ് കുത്തേറ്റ് മരിച്ചതിന് പിന്നാലെ മറ്റൊരു സംഭവം കൂടി. ന്യൂ ഇയർ ആശംസ പറഞ്ഞില്ലെന്ന കാരണത്താൽ തൃശൂർ മുള്ളൂർക്കരയിൽ യുവാവിനെ കുത്തിവീഴ്ത്തി. ആറ്റൂർ സ്വദേശി സുഹൈബിനാണ് കുത്തേറ്റത്. ദേഹത്താകെ ഇരുപത്തിനാലു തവണ കുത്തേറ്റിട്ടുണ്ട്. 

യുവാവ് ഗുരുതരാവസ്ഥയിൽ മെഡിക്കൽ കോളജ് ആശുപത്രിയിൽ ചികിത്സയിലാണ്. കഞ്ചാവ് കേസിലെ പ്രതി ഷാഫിയാണ് കുത്തിയത്. ഷാഫിയോട് ന്യൂഇയർ ആശംസ പറയാത്തതാണ് അക്രമിക്കാൻ കാരണം. ബസ് സ്റ്റോപ്പില്‍ ഷാഫിക്കൊപ്പം ഇരുന്നവര്‍ക്ക് മാത്രം ആശംസ നേര്‍ന്നതാണ് പ്രകോപനം.