‘ചോദ്യപേപ്പര്‍ ചോര്‍ച്ചയ്ക്കുത്തരവാദി കേന്ദ്രം’; കുറ്റക്കാര്‍ ശിക്ഷിക്കപ്പെടുന്നില്ലെന്ന് റോജി എം.ജോണ്‍

ചോദ്യപേപ്പര്‍ ചോര്‍ച്ചയ്ക്ക് ഉത്തരവാദി കേന്ദ്രസര്‍ക്കാര്‍ എന്ന് മന്ത്രി റോജി എം.ജോണ്‍. പേപ്പർ ചോർച്ച കാരണം നിരവധി വിദ്യാർഥികൾ ആത്മഹത്യ ചെയ്യുന്ന സാഹചര്യമുണ്ടായെന്നും മന്ത്രി ചൂണ്ടിക്കാട്ടി.

കേസുകളിൽ അന്വേഷണം ബിജെപി നേതാക്കളിലേക്ക് എത്തുന്നുണ്ടെങ്കിലും ഒരാൾ പോലും ശിക്ഷിക്കപ്പെടുന്നില്ലെന്നും ആരോപണം. കുറ്റക്കാർ ശിക്ഷിക്കപ്പെടാത്തത് ക്രിമിനൽ മാഫിയകൾക്ക് വീണ്ടും പ്രവർത്തിക്കാൻ അവസരമൊരുക്കുകയാണെന്നും കേന്ദ്ര സർക്കാർ മാഫിയാ സംഘങ്ങൾക്ക് ഒത്താശ ചെയ്യുകയാണെന്നും അദ്ദേഹം പറഞ്ഞു.