ചോദ്യങ്ങൾക്ക് കൃത്യസമയത്ത് മറുപടി നൽകി; മന്ത്രിമാർക്ക് സ്പീക്കറുടെ അനുമോദനം

പതിനാറാം നിയമസഭയുടെ ഒന്നാം സമ്മേളനത്തിൽ ഉന്നയിക്കപ്പെട്ട എല്ലാ ചോദ്യങ്ങൾക്കും പൂർണ്ണമായ മറുപടി നൽകിയ മന്ത്രിമാരെ അനുമോദിച്ച് സ്പീക്കർ തിരുവഞ്ചൂർ രാധാകൃഷ്ണൻ. സഭയിൽ ചോദ്യങ്ങൾക്ക് കൃത്യമായി മറുപടി ലഭ്യമാക്കുന്നതിൽ എല്ലാ മന്ത്രിമാരും ഈ മാതൃക സ്വീകരിക്കണമെന്നും ചട്ടപ്രകാരം ബാക്കിയുള്ള ചോദ്യങ്ങൾക്ക് യഥാസമയം മറുപടി നൽകാൻ ശ്രദ്ധിക്കണമെന്നും സ്പീക്കർ സഭയെ ഓർമ്മിപ്പിച്ചു.

ഭക്ഷ്യ പൊതുവിതരണ വകുപ്പ് മന്ത്രി അനൂപ് ജേക്കബ്, വൈദ്യുതി, പരിസ്ഥിതി, പാർലമെന്ററി കാര്യ വകുപ്പ് മന്ത്രി സണ്ണി ജോസഫ്, പട്ടികജാതി-പട്ടികവർഗ്ഗ, പിന്നോക്ക ക്ഷേമ വകുപ്പ് മന്ത്രി കെ.എ.തുളസി, വനം-വന്യജീവി, നൈപുണ്യ വികസന വകുപ്പ് മന്ത്രി ഷിബു ബേബി ജോണ്‍, ജലവിഭവ, ഭവന നിർമ്മാണ വകുപ്പ് മന്ത്രി മോന്‍സ് ജോസഫ്, റവന്യൂ വകുപ്പ് മന്ത്രി എ.പി അനില്‍കുമാര്‍, തൊഴിൽ, മൃഗസംരക്ഷണ, വനിതാ ശിശുക്ഷേമ വകുപ്പ് മന്ത്രി ബിന്ദു കൃഷ്ണ എന്നി  മന്ത്രിമാരെയാണ് ചെയർ അഭിനന്ദിച്ചത്. 

നിയമസഭയിൽ ചോദ്യങ്ങൾക്ക് യഥാസമയം മറുപടി ലഭിക്കുന്നതിൽ എല്ലാ മന്ത്രിമാരും ഈ മാതൃക സ്വീകരിക്കണമെന്നും സ്പീക്കര്‍ അവശ്യപ്പെട്ടു. സഭയുടെ ഒന്നാം സമ്മേളന നടപടികൾ വിജയകരമായി പൂർത്തിയാക്കാൻ സഹകരിച്ച മുഖ്യമന്ത്രി, മന്ത്രിമാർ, പ്രതിപക്ഷ നേതാവ് എന്നിവർക്ക് സ്പീക്കർ നന്ദി രേഖപ്പെടുത്തി.