തലസ്ഥാനത്ത് താമര വിരിയുമോ? ഇടതുചേര്ന്ന് എത്രപേര്; യുഡിഎഫ് നില മെച്ചപ്പെട്ടോ? മനോരമ ന്യൂസ് സി–വോട്ടര് മെഗാ എക്സിറ്റ് പോള് ഫലം
- Kerala
- Published on Apr 29, 2026, 09:42 PM IST
കേരളം മുഴുവന് ഉറ്റുനോക്കിയ ശക്തമായ ത്രികോണമല്സരങ്ങളാണ് കേരളത്തിന്റെ രാഷ്ട്രിയമനസ് തിരുവനന്തപുരത്ത് കേന്ദ്രീകരിക്കാന് കാരണമായത്. അതില് നേമം വട്ടിയൂര്കാവ്, കഴക്കൂട്ടം മണ്ഡലങ്ങളിലെ മല്സരം മുന്നണികളെ മുള്മുനയില് നിര്ത്തി . ഈ മണ്ഡലങ്ങളില് ആരുജയിക്കുമെന്ന് ഉറ്റുനോക്കുകയാണ് രാഷ്ട്രീയകേരളം. നേമത്ത് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറിന് നേരിയമുന്തൂക്കമുണ്ടെന്നാണ് മനോരമ ന്യൂസ് സി–വോട്ടര് മെഗാ എക്സിറ്റ് പോള് ഫലം സൂചിപ്പിക്കുന്നത് . ശക്തമായ ബലാബലമാണ് കഴക്കൂട്ടത്തും വട്ടിയൂര്കാവിലും. പ്രവചനാതീതമായ മല്സരം.
തിരുവനന്തപുരത്തെ 14 മണ്ഡലങ്ങളില് 6 മുതല് 8 സീറ്റുവരെ എല്ഡിഎഫ് നേടുമെന്നാണ് എക്സിറ്റ് പോള് ഫലം സുചിപ്പിക്കുന്നത് . 4മുതല് 6സീറ്റുകള് വരെ യുഡിഎഫിന് ലഭിക്കാം. ഒന്നുമുതല് 3സീറ്റുകള് വരെയാണ് എന്ഡിഎയ്ക്ക് എക്സിറ്റ് പോള് പറയുന്നത്.
തിരുവനന്തപുരത്ത് യുഡിഎഫിന് 38ശതമാനവും എല്ഡിഎഫിന് 36ശതമാനവും എന്ഡിഎയ്ക്ക് 20 ശതമാനവും വോട്ടുകള് ലഭിക്കുമെന്നും എക്സിറ്റ് പോള്ഫലം സൂചിപ്പിക്കുന്നു.
ENGLISH SUMMARY:
