കോൺഗ്രസ് നേതാവ് ബി.ആർ.എം. ഷെഫീറിന്‍റെ ഭാര്യയ്ക്ക് വിദ്യാഭ്യാസ വകുപ്പിന് കീഴിൽ കരാർ നിയമനം നൽകിയതിനെതിരെ ആരോപണം. സ്റ്റേറ്റ് ഇൻസ്റ്റിറ്റ്യൂട്ട് ഓഫ് എജ്യുക്കേഷണൽ മാനേജ്മെന്‍റ് ആൻഡ് ട്രെയിനിങ്ങിൽ (SIEMAT) റിസർച്ച് ഓഫിസർ തസ്തികയിലാണ് നിയമനം. അപേക്ഷ ക്ഷണിക്കാതെയാണ് നിയമനം നടത്തിയതെന്നാണ് ഉയരുന്ന ആരോപണം. ഒരു വർഷത്തേക്കാണ് കരാർ നിയമനം. പ്രതിമാസം 40,000 രൂപയാണ് വേതനം. നിയമനത്തിനായി അപേക്ഷ ക്ഷണിക്കുന്നതിന് പകരം ബയോഡേറ്റ വാങ്ങി നിയമനം നല്‍കിയെന്നാണ് ആരോപണം. Also Read: ‘ഉറങ്ങാന്‍ പറ്റണില്ല എന്റെ മോളില്ലാതെ’; ഈ വിഡിയോ ഇടുന്നതില്‍ ക്ഷമിക്കണം, നെഞ്ചുപൊട്ടി ലേഖയുടെ ഭര്‍ത്താവ്
അർഹമായ വിദ്യാഭ്യാസ യോഗ്യതയുള്ളതിനാലാണ് നിയമനം നൽകിയതെന്നാണ് സീമാറ്റ് നൽകുന്ന വിശദീകരണം. എന്നാൽ അപേക്ഷ ക്ഷണിക്കാതെ നിയമനം നടത്തിയതിന്‍റെ നടപടിക്രമങ്ങളെക്കുറിച്ച് വ്യക്തതയില്ല. ഇതുമായി ബന്ധപ്പെട്ട് വിദ്യാഭ്യാസ വകുപ്പിന്‍റെയും സീമാറ്റിന്‍റെയും വിശദീകരണം പുറത്തുവന്നിട്ടില്ല.
കോൺഗ്രസ് നേതാവിന്‍റെ ഭാര്യയ്ക്ക് സർക്കാർ സ്ഥാപനത്തിൽ നിയമനം ലഭിച്ചതാണ് പുതിയ വിവാദത്തിന് ഇടയാക്കിയത്. നിയമനം സംബന്ധിച്ച കൂടുതൽ വിവരങ്ങളും നടപടിക്രമങ്ങളും പുറത്തുവരേണ്ടതുണ്ട്.