TAGS

  • കാലിക്കറ്റ് സർവകലാശാലയിലെ ആൺകുട്ടികളുടെ ഹോസ്റ്റലിൽ ഒരു ബ്ലോക്ക് എസ്എഫ്ഐയുടെ പൂർണ നിയന്ത്രണത്തിലാണെന്ന ആരോപണം. കണ്ണൂർ ബ്ലോക്ക് എന്ന് രേഖപ്പെടുത്തിയിരിക്കുന്ന ഹോസ്റ്റൽ ഭാഗത്തെ മുറികൾ എസ്എഫ്ഐ പ്രവർത്തകർ കയ്യടക്കിയിരിക്കുകയാണെന്നാണ് ആക്ഷേപം

 

കാലിക്കറ്റ് സർവകലാശാലയിലെ ആൺകുട്ടികളുടെ ഹോസ്റ്റലിൽ ഒരു ബ്ലോക്ക് എസ്എഫ്ഐയുടെ പൂർണ നിയന്ത്രണത്തിലാണെന്ന ആരോപണം. കണ്ണൂർ ബ്ലോക്ക് എന്ന് രേഖപ്പെടുത്തിയിരിക്കുന്ന ഹോസ്റ്റൽ ഭാഗത്തെ മുറികൾ എസ്എഫ്ഐ പ്രവർത്തകർ കയ്യടക്കിയിരിക്കുകയാണെന്നാണ് ആക്ഷേപം. കെഎസ്‌യു, എംഎസ്എഫ് ഉൾപ്പെടെയുള്ള മറ്റ് വിദ്യാർഥി സംഘടനകൾക്ക് ഇവിടെ പ്രവേശനം നിഷേധിക്കുന്നതായും പരാതിയുണ്ട്.

 

കണ്ണൂർ ജില്ലയിലെ സിപിഎമ്മിന് സ്വാധീനമുള്ള പ്രദേശങ്ങളുടെ പേരുകളാണ് ഈ ബ്ലോക്കിലെ മുറികൾക്ക് നൽകിയിരിക്കുന്നത്. ഡിസി ഓഫീസ്, പിണറായി, മട്ടന്നൂർ, കല്യാശ്ശേരി, കൂത്തുപറമ്പ് തുടങ്ങിയ പേരുകളിലാണ് മുറികൾ അറിയപ്പെടുന്നത്. ഈ പേരിടലും ബ്ലോക്കിന്റെ നിയന്ത്രണവും സംബന്ധിച്ച് വിവാദം ഉയരുകയാണ്.

 

മറ്റ് വിദ്യാർഥി സംഘടനകളുടെ പ്രവർത്തകർക്ക് ബ്ലോക്കിലേക്ക് പ്രവേശിക്കാൻ കഴിയാത്ത സാഹചര്യമാണുള്ളതെന്നാണ് പരാതി. സർവകലാശാലാ ഹോസ്റ്റലിൽ എല്ലാ വിദ്യാർഥികൾക്കും തുല്യമായ അവകാശം ഉറപ്പാക്കേണ്ട അധികൃതർ വിഷയത്തിൽ ഇടപെടുന്നില്ലെന്നും ആരോപണമുണ്ട്.

 

ഹോസ്റ്റലിലെ ഒരു ഭാഗം പ്രത്യേക വിദ്യാർഥി സംഘടനയുടെ നിയന്ത്രണത്തിലാണെന്ന ആരോപണം സർവകലാശാലയിലെ വിദ്യാർഥി രാഷ്ട്രീയവും ഹോസ്റ്റൽ ഭരണസംവിധാനവും സംബന്ധിച്ച് ചോദ്യങ്ങൾ ഉയർത്തുന്നുണ്ട്. 

ENGLISH SUMMARY:

A controversy has emerged at the University of Calicut over allegations that SFI has taken control of a block in the men's hostel, referred to as the 'Kannur Block'. The rooms are reportedly named after CPI(M)-influenced areas in Kannur district, including Pinarayi, Mattannur and Koothuparamba. KSU and MSF have alleged that their members are being denied entry to the block and accused university authorities of failing to intervene.