മുതിര്‍ന്ന സിപിഎം നേതാവ് ബേബി ജോണ്‍ അന്തരിച്ചു

മുതിര്‍ന്ന സിപിഎം നേതാവ് ബേബി ജോണ്‍(74) തൃശൂരില്‍ അന്തരിച്ചു. അസുഖബാധിതനായി ദീര്‍ഘനാളായി ചികില്‍സയിലായിരുന്നു. സംസ്ഥാന സെക്രട്ടേറിയറ്റ് മുന്‍ അംഗമായിരുന്നു. 

സിപിഎം തൃശൂര്‍ ജില്ലാ മുന്‍ സെക്രട്ടറിയാണ്. 2006 ജൂലൈയിലാണ് അദ്ദേഹം സിപിഎം തൃശൂർ ജില്ലാ സെക്രട്ടറിയാകുന്നത്. 2011-ലെ നിയമസഭാ തിരഞ്ഞെടുപ്പിൽ മണലൂർ മണ്ഡലത്തിൽ നിന്ന് ജനവിധി തേടിയിരുന്നു. അടിയന്തരാവസ്ഥക്കാലത്ത് രണ്ടര മാസം ജയിൽവാസം അനുഭവിച്ചിട്ടുണ്ട്. പൊതുദർശനവും സംസ്കാര ചടങ്ങുകളും സംബന്ധിച്ച വിവരങ്ങൾ പിന്നീട് തീരുമാനിക്കും.