മലപ്പുറത്ത് റിസോര്‍ട്ടിലെ നീന്തല്‍ കുളത്തില്‍ വീണ് മൂന്നുവയസുകാരന് ദാരുണാന്ത്യം

മലപ്പുറം മൂർങ്ങാട്ടിരിയിലെ കൊക്കോ വില്ല റിസോർട്ടിൽ മാതാപിതാക്കൾക്കൊപ്പം എത്തിയ മൂന്ന് വയസ്സുകാരൻ നീന്തൽക്കുളത്തിൽ വീണ് മരിച്ചു. റിസോർട്ടിൽ എത്തിയതിന് പിന്നാലെ കുട്ടിയെ പെട്ടെന്ന് കാണാതാവുകയായിരുന്നു. തുടർന്ന് ഒപ്പമുണ്ടായിരുന്നവർ നടത്തിയ തിരച്ചിലിലാണ് നീന്തൽക്കുളത്തിൽ വീണ നിലയിൽ കുട്ടിയെ കണ്ടെത്തിയത്. ഉടൻ തന്നെ അഴീക്കോട്ടെ സ്വകാര്യ ആശുപത്രിയിൽ എത്തിച്ച് അടിയന്തര ചികിത്സ നൽകിയെങ്കിലും കുട്ടിയുടെ ജീവൻ രക്ഷിക്കാനായില്ല. മൃതദേഹം നിലവിൽ അഴീക്കോട്ടെ ആശുപത്രിയിൽ സൂക്ഷിച്ചിരിക്കുകയാണ്. തുടർ നടപടികൾക്കായി മൃതദേഹം കോഴിക്കോട് മെഡിക്കൽ കോളേജിലേക്ക് മാറ്റും.