തിരുവനന്തപുരം സ്വദേശി ഇസ്രയേലില്‍ മരിച്ചു; വിവരം അറിയിച്ചത് മലയാളി കൂട്ടായ്മ

ഇസ്രയേലിൽ ജോലിക്ക് പോയ കല്ലമ്പലം സ്വദേശി മരിച്ചു. തിരുവനന്തപുരം, കല്ലമ്പലം മുത്താന ശിവശൈലത്തിൽ സുരേഷ് സുന്ദരേശൻ (42) ആണ് മരിച്ചത്. ഒരു വർഷം മുൻപാണ് സുരേഷ് ലേബർ വീസയിൽ ഇസ്രായേലിലേക്ക് ജോലിക്ക് പോയത്.

കഴിഞ്ഞ 17 നാണ് അവസാനമായി സുരേഷ് ബന്ധുക്കളുമായി ഫോണിൽ സംസാരിച്ചിരുന്നത്. കഴിഞ്ഞ ദിവസം ഇസ്രയേലിലെ മലയാളി കൂട്ടായ്മ കല്ലമ്പലം സ്വദേശിയായ സുരേഷ് എന്ന് പേരുള്ള ഒരാൾ മരണപ്പെട്ടു എന്ന് സൂചിപ്പിച്ച് ബന്ധുക്കളെ വിളിച്ചിരുന്നു. അതേസമയം സുരേഷിന്‍റെ മരണ കാരണം വ്യക്തമല്ല.