അജിത് ഡോവൽ 2 ദിവസം തിരുവനന്തപുരത്ത്; വരവ് പിഎസ്എൽവി പരാജയത്തിന് പിന്നാലെ; അന്വേഷണം

പിഎസ്എൽവിയുടെ രണ്ടു തുടര്‍ ദൗത്യങ്ങൾ പരാജയമായത് പരിശോധിക്കാന്‍ ദേശീയ സുരക്ഷ ഉപദേഷ്ടാവ് അജിത്ത് ഡോവല്‍ തലസ്ഥാനത്തിയതായി റിപ്പോര്‍ട്ട്.  കഴിഞ്ഞമാസമാണ് അദ്ദേഹം തിരുവനന്തപുരത്തെത്തി  വിഎസ്​എസ്​സിയിലെ ശാസ്ത്രജ്‌ഞരുമായി ചര്‍ച്ചകള്‍ നടത്തിയത്. പിഎസ്എല്‍വി റോക്കറ്റ് നിര്‍മാണത്തിന്‍റെ ചുമതല വിഎസ്​എസ്​സിക്കാണ്. പ്രധാനമന്ത്രി തിരുവനന്തപുരത്ത് എത്തുന്നതിന് മുന്നോടിയായാണ് ഡോവല്‍ എത്തി മടങ്ങിയത്. കാര്യങ്ങള്‍ വിലയിരുത്തുന്നതിനായി അദ്ദേഹം രണ്ട് ദിവസം സമയം ചെലവഴിച്ചുവെന്നും റിപ്പോര്‍ട്ടുമ്ട്.

ജനുവരി  12ന്  വിക്ഷേപിച്ച പിഎസ്എൽവി സി–62ഉം മേയില്‍ വിക്ഷേപിച്ചPSLV 61ഉം പരാജയപ്പെട്ടിരുന്നു. ഈ ദൗത്യങ്ങള്‍  പരാജയപ്പെട്ടതില്‍ അട്ടിമറിയില്ലെന്ന് ഡോവല്‍ പ്രധാനമന്ത്രിക്ക് റിപ്പോര്‍ട്ട് നല്‍കിയതായാണ് വിവരങ്ങള്‍. ദൗത്യങ്ങള്‍ പരാജയപ്പെട്ടതിന് പിന്നില്‍ അട്ടിമറി ഇല്ലെന്ന് ഇന്നലെ കേന്ദ്രമന്ത്രി ജിതേന്ദ്ര സിങ് വിശദീകരിച്ചിരുന്നു. ഡോവലിന്‍റെ റിപ്പോര്‍ട്ടിന് ശേഷമാണ് ജിതേന്ദ്രസിങ് ഇക്കാര്യം പറഞ്ഞതെന്നാണ് വിവരം.