'എന്നാ ഇതും കൂടിയെടുത്തോ'; നാട്ടുകാര്ക്ക് നേരെ മുണ്ട് പൊക്കി കാണിച്ച് ബിഎല്ഒ
- Kerala
- Published on Nov 25, 2025, 10:26 AM IST
എസ്.ഐ.ആർ എന്യൂമേറഷൻ ഫോം വിതരണ ക്യാമ്പിനിടെ ഉടുമുണ്ട് പൊക്കി കാണിച്ച് ബി.എൽ.ഒ. മലപ്പുറം തൃപ്രങ്ങോട് പഞ്ചായത്തിലെ 38-ാം നമ്പർ ബൂത്തിലെ ബിഎൽഒയാണ് സ്ത്രീകൾ ഉൾപ്പെടെ ഉള്ള സമയത്ത് അപമര്യാദയായി പെരുമാറിയത്. പ്രായമുള്ളവരെയടക്കം വെയിലത്ത് വരിയിൽ നിർത്തുന്നത് നാട്ടുകാര് ചോദ്യം ചെയ്തതാണ് പ്രകോപനമായത്.
വീട്ടില് കൊണ്ടുവന്നു ചെയ്തുകൂടെ എന്ന് നാട്ടുകാര് ചെയ്തപ്പോള് വില്ലേജ് ഓഫീസറോട് പറയാനായിരുന്നു ബിഎല്ഒയുടെ മറുപടി. നാട്ടുകാര് വിഡിയോ എടുക്കുന്നത് കണ്ട് ഉദ്യോഗസ്ഥനും ഫോണ് എടുത്ത് വിഡിയോ റെക്കോര്ഡ് ചെയ്തിരുന്നു. തുടര്ച്ചയായി പ്രകോപനം ഉണ്ടായതോടെയാണ് ബിഎല്എ എഴുന്നേറ്റുനിന്ന് ക്യാമറക്ക് നേരെ മുണ്ടുയര്ത്തിയത്. തൊട്ടടുത്തുണ്ടായിരുന്ന സ്ത്രീകള് മുഖം മാറ്റി.
എസ്ഐആര് ജോലി സമ്മര്ദവുമായി ബന്ധപ്പെട്ട് ബിഎല്ഒമാര് അനുഭവിക്കുന്ന സമ്മര്ദങ്ങളുടെയും ജീവനൊടുക്കുന്നതിന്റെയും വാര്ത്തകള്ക്കിടയിലാണ് നാട്ടുകാരോട് അപമര്യാദയായി പെരുമാറിയ ബിഎല്എയുടെ വിഡിയോയും സമൂഹമാധ്യമങ്ങളില് പ്രചരിക്കുന്നത്.
ENGLISH SUMMARY:
