സംസ്ഥാനത്തെ ഏഴു സ്വകാര്യ മെഡിക്കൽ കോളജുകളിൽ 500 എംബിബിഎസ് സീറ്റുകൾ കൂടി. ആരോഗ്യ സർവകലാശാലയാണ് സീറ്റുകൾ അനുവദിച്ചത്. 100 സീറ്റുകൾ സർക്കാർ മെഡിക്കൽ കോളജുകളിൽ അനുവദിച്ചിരുന്നു. ഈ വർഷം മൊത്തം 600 സീറ്റുകൾ എംബിബിഎസിന് കൂടി. 5155 ആയി കേരളത്തിലെ മൊത്തം സീറ്റുകൾ.ഈ വർഷം എൻട്രസ് പരീക്ഷ എഴുതിയവർ സീറ്റുകൾക്ക് അർഹരാകും.

ജൂബിലി മിഷൻ, മലബാർ, ട്രാവൻകോർ, അൽ അസർ, കേരള, ശ്രീ ഉത്രാടം ഉത്രാടം തിരുന്നാൾ , പി.കെ. ദാസ് മെഡിക്കൽ കോളജുകൾക്കാണ് പുതിയ സീറ്റുകൾ. നാഷനൽ മെഡിക്കൽ കമ്മിഷന്റെ അനുമതിയോടെയാണ് ആരോഗ്യ സർവകലാശാല സീറ്റുകൾ അനുവദിച്ചത്. ഉത്തരവിന്റെ പകർപ്പ് മനോരമ ന്യൂസിന് ലഭിച്ചു.

ENGLISH SUMMARY:

Seven private medical colleges in Kerala have been allotted 500 additional MBBS seats. The approval was granted by the Kerala University of Health Sciences with permission from the National Medical Commission. Along with this, 100 seats were also allotted in government medical colleges, raising the total number of additional MBBS seats this year to 600. With this, the total number of MBBS seats in Kerala has increased to 5,155.