താമരശ്ശേരി ചുരം അടച്ചു; വാഹനങ്ങള്‍ കുറ്റ്യാടി ചുരംവഴിയും തിരിച്ചുവിടുന്നു

താമരശ്ശേരി ചുരത്തിൽ മണ്ണിടിച്ചിലിനെ തുടർന്ന് ഗതാഗതം പൂർണ്ണമായും നിലച്ചു. സുരക്ഷാ പ്രശ്നങ്ങൾ കണക്കിലെടുത്ത് ചുരം താൽക്കാലികമായി അടച്ചു. കുടുങ്ങിക്കിടന്ന വാഹനങ്ങളെ മാത്രമാണ് നിലവിൽ കടത്തിവിട്ടത്.

അപകടവും ഗതാഗത നിയന്ത്രണവും

ലക്കിടി വ്യൂപോയിന്റിന് സമീപമാണ് കല്ലും മണ്ണും ഇടിഞ്ഞുവീണത്.  വീണ്ടും മണ്ണിടിച്ചിൽ സംഭവിേച്ചക്കാമെന്നതാണ് ആശങ്ക.  അതിനാൽ, വയനാട് കളക്ടർ സ്ഥലത്ത് പരിശോധന നടത്തിയ ശേഷം മാത്രമേ ചുരം തുറന്നു നൽകൂ എന്ന് അറിയിച്ചു.

മണ്ണിടിച്ചിലിനെ തുടർന്ന് വാഹനങ്ങൾ കുറ്റ്യാടി ചുരം വഴി തിരിച്ചുവിട്ടു. അടിവാരത്ത് നിന്ന് പൊലീസ് വാഹനങ്ങൾ തടയുകയും യാത്രക്കാരെ പേരാമ്പ്ര വഴി കുറ്റ്യാടി ചുരം തിരഞ്ഞെടുക്കാൻ നിർദ്ദേശിക്കുകയും ചെയ്യുന്നുണ്ട്.

മണ്ണുമാറ്റൽ നിർത്തിവച്ചു

മണ്ണിടിച്ചിൽ സംഭവിച്ച സ്ഥലത്ത് രാത്രിയിൽ മണ്ണുമാറ്റുന്നത് നിർത്തിവച്ചിരിക്കുകയാണ്. വീണ്ടും മണ്ണിടിയാൻ സാധ്യതയുണ്ടെന്ന മുന്നറിയിപ്പ് പരിഗണിച്ചാണ് ഈ തീരുമാനം. രാവിലെ വിദഗ്ദ്ധസംഘം സ്ഥലത്തെത്തി സുരക്ഷാ പരിശോധനകൾ നടത്തിയ ശേഷം മാത്രമേ മണ്ണ് പൂർണ്ണമായും നീക്കം ചെയ്യുകയുള്ളൂ. ഓണക്കാലത്ത് ചുരം അടച്ചിട്ടത് യാത്രികർക്ക് വലിയ ബുദ്ധിമുട്ടുകൾ ഉണ്ടാക്കുന്നുണ്ട്. യാത്രക്കാർ കുറ്റ്യാടി ചുരം വഴി പോകണമെന്ന് അധികൃതർ അറിയിച്ചു.