സംസ്ഥാനത്ത് ഇന്നും അതിതീവ്രമഴയ്ക്ക് സാധ്യത. രണ്ടു ജില്ലകളില് റെഡ് അലര്ട്ടും ഏഴുജില്ലകളില് ഓറഞ്ച് അലര്ട്ടും മൂന്നു ജില്ലകളില് യെലോ അലര്ട്ടും പ്രഖ്യാപിച്ചു. കണ്ണൂരും കാസര്കോടുമാണ് അതി തീവ്രമഴക്കുള്ള റെഡ് അലര്ട്ട് നല്കിയിട്ടുള്ളത്.
ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് ഓറഞ്ച് അലര്ട്ട് നല്കിയത്. ഈ ജില്ലകളില് അതിശക്തമായ മഴ ലഭിക്കും. മണിക്കൂറില് 50 കിലോ മീറ്റര് വരെ വേഗതയുള്ള കാറ്റിന് സാധ്യതയുണ്ട്. കേരളതീരത്ത് ഉയര്ന്ന തിരമാലകള്ക്കും കടലേറ്റത്തിനും സാധ്യതയുള്ളതിനാല് 22–ാം തീയതി വരെ മത്സ്യതൊഴിലാളികള് കടലില്പോകരുതെന്ന് ദേശീയ സമുദ്ര ഗവേഷണ കേന്ദ്രം അറിയിച്ചു.
24–ാം തീയതിയോടെ വടക്കന് ബംഗാള് ഉള്ക്കടലില് വീണ്ടും ന്യൂനമര്ദം രൂപമെടുക്കാനും മഴകനക്കാനും സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.