‘ആശാവര്‍ക്കര്‍മാരുടെ ഓണറേറിയം കൂട്ടേണ്ട’; ഒഞ്ചിയത്തെ നടപടി സര്‍ക്കാര്‍ തടഞ്ഞു

ഒഞ്ചിയം പഞ്ചായത്തിലെ ആശാ വർക്കർമാരുടെ ഓണറേറിയം 2500 രൂപയായി ഉയർത്താനുള്ള പഞ്ചായത്ത് ഭരണസമിതിയുടെ തീരുമാനം സംസ്ഥാന സർക്കാർ തടഞ്ഞു. തദ്ദേശ സ്വയംഭരണ വകുപ്പാണ് ഇത് സംബന്ധിച്ച ഉത്തരവ് പുറത്തിറക്കിയത്. ഉത്തരവിന്‍റെ പകർപ്പ് മനോരമ ന്യൂസിന് ലഭിച്ചു.

യുഡിഎഫ്-ആർഎംപി സഖ്യം ഭരിക്കുന്ന ഒഞ്ചിയം പഞ്ചായത്ത് കഴിഞ്ഞ ദിവസം ആശാ വർക്കർമാർക്ക് അധിക ഓണറേറിയം നൽകുന്നതിനായി 5,10,000 രൂപ അനുവദിച്ചിരുന്നു. ഈ തീരുമാനമാണ് തടഞ്ഞിരിക്കുന്നത്. വിഷയത്തെക്കുറിച്ച് കൂടുതൽ പരിശോധനകൾക്കായി ഓംബുഡ്‌സ്മാന്‍റെ പരിഗണനയ്ക്ക് അയക്കുകയാണെന്ന് അഡീഷണൽ സെക്രട്ടറി അറിയിച്ചു.