ട്രാക്ടറില്‍ നിന്നും മാലിന്യചാക്ക് ഗര്‍ഭിണിയുടെ മേല്‍ വീണു; ഇരട്ടക്കുട്ടികളിലൊരാള്‍ മരിച്ചു; തോരാക്കണ്ണീര്‍

പാലക്കാട് മുട്ടിക്കുളങ്ങരയില്‍ മാലിന്യം കൊണ്ടുപോയ പുതുപ്പരിയാരം പഞ്ചായത്തിന്‍റെ ട്രാക്‌ടറില്‍നിന്നു ചാക്കുകെട്ടു വീണുണ്ടായ അപകടത്തില്‍ അജീനക്കും കുടുംബത്തിനും നഷ്‌‌ടമായത് സന്തോഷം നിറഞ്ഞ ജീവിതമാണ്. ചാക്കുകെട്ടില്‍ ബൈക്ക് തട്ടിയുണ്ടായ അപകടം മൂലം അജീനക്ക് മാസം തികയാതെ  പ്രസവിക്കേണ്ടി വന്നു. ഇരട്ടക്കുട്ടികളിലൊരാള്‍ മരിച്ചു. മൂന്നുമാസം ചികില്‍‌സ നടത്തിയതില്‍ കുടുബത്തിനു വന്നത് 10 ലക്ഷത്തോളം രൂപയുടെ ബാധ്യതയുമുണ്ടായി. പഞ്ചായത്തിന്‍റെ വീഴ്‌ചയായിട്ടും നാളിതു വരെയായി നഷ്‍‌‌പരിഹാരമായി ഒന്നും നല്‍കിയില്ല. ഫണ്ട് വകയിരുത്തിയിട്ടുണ്ടെന്നും ഉടന്‍ അനുവദിക്കുമെന്നുമാണ് പഞ്ചായത്ത് അധികൃതര്‍ അറിയിച്ചത്.