കനത്ത മഴ; ഒന്‍പതു ജില്ലകളില്‍ നാളെ അവധി

കനത്ത മഴ മൂലം  ഒന്‍പതു ജില്ലകളില്‍ നാളെ അവധി . ഇടുക്കി, കണ്ണൂര്‍, കാസര്‍കോട്, കോട്ടയം, എറണാകുളം, തൃശൂര്‍, വയനാട്, പാലക്കാട്,പത്തനംതിട്ട  ജില്ലകളിലെ വിദ്യാഭ്യാസസ്ഥാപനങ്ങള്‍ക്കാണ് നാളെ അവധി  പ്രഖ്യാപിച്ചത്. പ്രഫഷനല്‍ സ്ഥാപനങ്ങള്‍ക്കും അവധി ബാധകം. അങ്കണവാടികൾക്കും ട്യൂഷൻ സെന്ററുകൾക്കും അവധി ബാധകമായിരിക്കും. എംജി സർവകലാശാല നാളെ  നടത്താനിരുന്ന എല്ലാ പരീക്ഷകളും മാറ്റി. പുതിയ തീയതി പിന്നീട് അറിയിക്കുമെന്ന് പരീക്ഷാ കൺട്രോളർ. 

Read Also: കൂടുതല്‍ ജില്ലകളില്‍ റെഡ് അലര്‍ട്ട്; അതിതീവ്ര മഴ വരുന്നു

എട്ടു ജില്ലകളില്‍ റെഡ് അലര്‍ട്ടും ആറുജില്ലകളില്‍ ഒാറഞ്ച് അലര്‍ട്ടും പ്രഖ്യാപിച്ചു. തീരപ്രദേശത്ത് പ്രത്യേക ജാഗ്രതാ നിര്‍ദേശവും പുറപ്പെടുവിച്ചിട്ടുണ്ട്. നാളെയും സംസ്ഥാനത്ത് ശക്തമായ മഴ തുടരുമെന്ന് കാലാവസ്ഥാ വകുപ്പ് അറിയിച്ചു. 

ബംഗാള്‍ ഉള്‍ക്കടലിലെ  ന്യൂനമര്‍ദവും  പടിഞ്ഞാറന്‍കാറ്റും ശക്തി കൈവരിച്ചതാണ് സംസ്ഥാനത്ത് മഴ കടുക്കാന്‍ കാരണമായത്. എട്ടു ജില്ലകളില്‍ റെഡ് അലര്‍ട്ടും ആറു ജില്ലകളില്‍ ഒാറഞ്ച് അലര്‍ട്ടും പ്രഖ്യാപിച്ചു. പത്തനംതിട്ട, കോട്ടയം, ഇടുക്കി, എറണാകുളം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ റെഡ് അലര്‍ട്ട് പ്രഖ്യാപിച്ചു. ഈ ജില്ലകളില്‍ തീവ്രമഴ ലഭിക്കും.  തിരുവനന്തപുരം , കൊല്ലം, ആപ്പുഴ, തൃശൂര്‍, പാലക്കാട്, മലപ്പുറം ജില്ലകളില്‍ ഒാറഞ്ച് അലര്‍ട്ടും നല്‍കിയിട്ടുണ്ട്. 

നാളെയും സംസ്ഥാനത്താകെ  ശക്തമായ മഴക്ക് സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. നാളെ രാത്രിവരെ തീരപ്രദേശത്തും പ്രത്യേക ജാഗ്രതാ നിര്‍ദേശം പുറപ്പെടുവിച്ചു. തിരുവനന്തപുരം കൊല്ലം ആലപ്പുഴ, എറണാകുളം, തൃശൂര്‍ ജില്ലകളിലെ തീരപ്രദേശങ്ങളില്‍ റെഡ് അലര്‍ട്ടും മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളിലെ തീരങ്ങളില്‍ ഒാറഞ്ച് അലര്‍ട്ടും  പ്രഖ്യാപിച്ചിട്ടുണ്ട്. 3.7 മീറ്റര്‍വരെ  ഉയരമുള്ള തിരമാലകള്‍ക്കും കടലേറ്റത്തിനും സാധ്യതയുണ്ടെന്നും അതീവജാഗ്രത പാലിക്കണമെന്നും ദേശീയ സമുദ്ര ഗവേഷണ കേന്ദ്രം അറിയിച്ചു.