184 അത്യാഢംബര ഫ്ലാറ്റുകള്; എംപിമാര്ക്കുള്ള വസതി ഇന്ന് പ്രധാനമന്ത്രി ഉദ്ഘാടനം ചെയ്യും
- India
- Published on Aug 11, 2025, 07:57 AM IST
- Updated on Aug 11, 2025, 08:16 AM IST
എംപിമാര്ക്കായി ഡല്ഹിയില് അത്യാഢംബര ഫ്ലാറ്റുകള് തയാര്. എംപിമാര്ക്കുള്ള 184 ഫ്ലാറ്റുകള് പ്രധാനമന്ത്രി നരേന്ദ്രമോദി ഇന്ന് ഉദ്ഘാടനം ചെയ്യും. നാല് ടവറുകളിലാണ് അംബര ചുംബികളായ പാര്പ്പിട സമുച്ചയങ്ങള്.
100 വര്ഷം നിലനില്ക്കാന്, 550 കോടി രൂപ ചെലവിട്ട് കേന്ദ്ര പൊതുമരാമത്ത് വകുപ്പിന്റെ മേല്നോട്ടത്തില് നിര്മിച്ച എംപിമാരുടെ ഫ്ലാറ്റുകള്. അഞ്ച് മുറികളുണ്ട് ഓരോ ഫ്ലാറ്റിലും. സര്വ സൗകര്യങ്ങളുമുള്ള കിടപ്പ് മുറികള്, സ്വീകരണ മുറി, ബാല്ക്കണി എന്നിവയെല്ലാം ഓരോ ഫ്ലാറ്റുകളുടെയും പ്രത്യേകതയാണ്.
500 വാഹനങ്ങള് ഇവിടെ പാര്ക്ക് ചെയ്യാം. എംപിമാര്ക്ക് പ്രത്യേക കൂട്ടായ്മകള് സംഘടിപ്പിക്കാന് സൗകര്യങ്ങള്, ജിംനേഷ്യം എന്നിവയുമുണ്ട്. ബാബ ഖരക് സിങ് മാര്ഗിലാണ് എംപിമാരുടെ പുത്തന് ഫ്ലാറ്റുകള്. കെട്ടിടങ്ങളിലെ പെയ്ന്റിങ്ങുകള് ഡല്ഹിയുടെ മനോഹാരിതയ്ക്ക് പകിട്ടുകൂട്ടും.
ENGLISH SUMMARY:
