മുഖ്യമന്ത്രിക്കും മകള്ക്കുമെതിരെ ജോര്ജ്: 'വിദേശയാത്രകള് ഇ.ഡി അന്വേഷിക്കണം'
മുഖ്യമന്ത്രിയുടെ വിദേശയാത്രകള് ഇ.ഡി അന്വേഷിക്കണമെന്ന് പി.സി.ജോര്ജ്. മുഖ്യമന്ത്രി പോയശേഷമോ അതിനു മുന്പോ മകളും ആ രാജ്യങ്ങളിലെത്തും. ഫാരിസ് അബൂബക്കറുടെ നേതൃത്വത്തില് വന് സാമ്പത്തിക റാക്കറ്റുണ്ട്. മുഖ്യമന്ത്രിക്കും മകള്ക്കും ഇതില് പങ്കുണ്ട്. ആരോപണങ്ങള്ക്ക് തെളിവുണ്ടോ എന്ന ചോദ്യത്തിന് തെളിയിക്കേണ്ടത് ഇഡിയെന്ന് പി.സി.ജോര്ജ് പറഞ്ഞു. തെളിവുകള് ഇഡിക്ക് നല്കിയിട്ടുണ്ട്, പ്രധാനമന്ത്രിയെ കാണും. സോളര് പ്രതിയുടെ പീഡന പരാതിയില് കള്ളസാക്ഷിയുണ്ടാക്കാന് ശ്രമമെന്ന് പി.സി.ജോര്ജ് ആരോപിച്ചു. താന് കണ്ടിട്ടില്ലാത്ത ഒരാള് തന്നെയും പരാതിക്കാരിയെയും കണ്ടുവെന്ന് പൊലീസ് ആരോപിക്കുന്നു. ഭാര്യയെയും പ്രതിയാക്കാനാണ് ശ്രമം, അതും നിയമപരമായി നേരിടും. തനിക്കതിരെയുള്ള കള്ളക്കേസുകള്ക്കെതിരെ മാനനഷ്ടക്കേസ് നല്കുമന്ന് പി.സി.ജോര്ജ് വ്യക്തമാക്കി.
