എസ്.എൻ.ഡി.പി യോഗം തിരഞ്ഞെടുപ്പിലെ പ്രാതിനിധ്യ വോട്ടവകാശം ഹൈക്കോടതി റദ്ദാക്കിയതിൽ ദുഃഖമുണ്ടെന്ന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന്. വിശദാംശങ്ങള് അറിഞ്ഞതിനുശേഷം അനന്തരനടപടിയെന്നും വെള്ളാപ്പള്ളി മനോരമ ന്യൂസിനോട് പ്രതികരിച്ചു. അതേസമയം, വെള്ളാപ്പള്ളിക്ക് മറുപടിയുമായി എസ്എന്ഡിപി യോഗം മുന് പ്രസിഡന്റ് സി.കെ.വിദ്യാഗസര് രംഗത്തുവന്നു. ജനാധിപത്യമില്ലാതെ സംഘടന നടത്തിയിട്ട് പിന്നെ ദുഃഖിച്ചിട്ട് കാര്യമില്ലെന്ന് വിദ്യാസാഗര് തുറന്നടിച്ചു. ഇനി തിരഞ്ഞെടുപ്പ് നടന്നാല് പത്തു ശതമാനം വോട്ടുപോലും വെള്ളാപ്പള്ളിക്ക് ലഭിക്കില്ലെന്ന് ബിജു രമേശും പ്രതികരിച്ചു. വെള്ളാപ്പള്ളിയും കുടുംബവും ജീവിച്ചത് എസ്എന്ഡിപിയുടെ സ്വത്ത് കൊണ്ടെന്നും ബിജു രമേശ് ആരോപിച്ചു.