‘നരഹത്യ ചുമത്തിയത് പൊലീസ് തിരക്കഥ’; ഭീഷണിപ്പെടുത്തിയെന്നും പ്രതികള്
മോഡലുകളുടെ അപകടമരണത്തിൽ പൊലീസ് ഭീഷണിപ്പെടുത്തിയെന്ന് പ്രതികള് കോടതിയിൽ. ചോദ്യംചെയ്യലിനിടെ പൊലീസ് ഭീഷണിപ്പെടുത്തിയെന്നാണ് പരാതി. പരാതി എഴുതി നല്കാന് കോടതി നിര്ദേശം നൽകി. നരഹത്യക്കുറ്റം ചുമത്തിയത് പൊലീസ് തിരക്കഥയാണ്. കാര് ഓടിച്ചയാളെ സംരക്ഷിക്കാന് നീക്കം നടക്കുന്നു. സൈജുവിനെ ഇനിയും പിടികൂടാനായില്ലെന്നും പ്രതികൾ കോടതിയെ അറിയിച്ചു. പൊലീസ് കസ്റ്റഡി അപേക്ഷ നല്കിയിട്ടുണ്ട്. അതേസമയം, കൊച്ചിയിലെ മോഡലുകളുടെ മരണത്തിൽ കേസന്വേഷണം പ്രത്യേക സംഘത്തിന് കൈമാറിയിട്ടുണ്ട്. ജില്ലാ ക്രൈബ്രാഞ്ച് അസിസ്റ്റന്റ് കമ്മിഷണർ നേതൃത്വം നൽകും. ഡി.ജെ.പാർട്ടിയിൽ പങ്കെടുത്തവരുടെ പേരു വിവരങ്ങൾ ഹോട്ടൽ അധികൃതർ ഒളിപ്പിച്ചെന്ന സംശയത്തിലാണ് പൊലീസ്. വിഡിയോ റിപ്പോർട്ട് കാണാം.
