അന്നും പൊട്ടിക്കരഞ്ഞ് യെഡിയൂരപ്പ; ആ പ്രതിജ്ഞ സത്യമാക്കി: ബിജെപിക്കും നെഞ്ചിടിപ്പ്

ബിജെപി സർക്കാറിന്‍റെ രണ്ടു വർഷം പൂർത്തിയാകുന്ന ചടങ്ങിൽ അതിനാടകീയമായി ആ എഴുപത്തിയെട്ടുകാരൻ പൊട്ടിക്കരഞ്ഞു. രാജി പ്രഖ്യാപിച്ചു. അങ്ങനെ മറ്റൊരു കർ- നാടകത്തിനുകൂടി തിരിതെളിയുകയാണ് കർണാടകയിൽ.  കടുവ രാജാവ് അഥവാ രാജ ഹൂളി കളമൊഴിയുന്നതിലൂടെ കര്‍ണാടക രാഷ്ട്രീയത്തില്‍ മറ്റൊരു വഴിത്തിരിവ്. 

ബൂകനക്കെരെ സിദ്ധലിംഗപ്പ യെദിയൂരപ്പ ദക്ഷിണേന്ത്യയിൽ ആദ്യമായി ബിജെപിയെ അധികാരത്തിലെത്തിച്ച നേതാവ്. പലതവണ ഉടക്കിയും ഇണങ്ങിയും ബിജെപിക്ക് ഒഴിച്ചുകൂടാനാവാത്ത മുഖമായ നേതാവ്. എന്നാൽ, ഇന്ന് ആ നേതാവ് പടിയിറങ്ങുന്നത് കരഞ്ഞുകലങ്ങിയ കണ്ണുമായാണ്. പൊതുവേദിയിൽ വിങ്ങിപ്പൊട്ടിയാണ്. എത്ര ആഞ്ഞുപിടിച്ചിട്ടും ദക്ഷിണേന്ത്യയിൽ താമര വിരിയിക്കാൻ പാടുപെട്ട ബിജെപിയെ 2007ൽ കർണാടകയിൽ ഭരണത്തിലേറ്റി. ഒരേ അളവിൽ തന്ത്രവും കുതന്ത്രവും കോർത്തിണക്കി പലകുറി ബിജെപിയുടെ രക്ഷകനായി. എന്നാൽ നിർഭാ​ഗ്യവും വിവാദങ്ങളും യെഡിയൂരപ്പയെ വിടാതെ പിന്തുടർന്നു. നിർണായക നിയമസഭ തിരഞ്ഞെടുപ്പ് അടുത്തിരിക്കെ നാലാം തവണയും പടിയിറങ്ങേണ്ടി വന്നത് കലാവധി പൂർത്തിയാക്കാതെയാണ്. വിഡിയോ കാണാം.