മുഖംമൂടിക്കാരന് വെടിവച്ച് കൊന്നു; യുഎസില് ഇന്ത്യക്കാരിക്ക് ദാരുണാന്ത്യം; വിഡിയോ
- Gulf & Global
- Published on May 26, 2026, 07:52 PM IST
യുഎസ് വിര്ജീനിയയില് ഇന്ത്യന് യുവതിയെ വെടിവച്ച് കൊന്നു. ഗുജറാത്ത് സ്വദേശി മേഘ്ന പട്ടേലിനെയാണ് (47) മുഖംമൂടിയണിഞ്ഞയാള് മോഷണശ്രമത്തിനിടെ വെടിവച്ച് കൊന്നത്. പത്ത് വര്ഷമായി വിര്ജീനിയയില് ഭര്ത്താവും രണ്ട് മക്കളുമടങ്ങുന്ന കുടുംബമായി ജീവിക്കുകയായിരുന്നു മേഘ്ന.
വിര്ജീനിയയിലെ ഒരു കടയിലെ ജീവനക്കാരിയായിരുന്നു മേഘ്ന. സിസിടിവി ദൃശ്യങ്ങളുടെ അടിസ്ഥാനത്തില് കടയിലേക്ക് മുഖംമൂടി ധരിച്ചയാള് എത്തുകയായിരുന്നു. തുടര്ന്ന് കടയും പരിസരവും വീക്ഷിച്ച അക്രമി മേഘ്നയ്ക്ക് നേരെ തുടര്ച്ചയായി വെടിയുതിര്ക്കുകയായിരുന്നു. തുടര്ന്ന് കൗണ്ടറിലേക്ക് ചാടി പണപ്പെട്ടിയില് നിന്നും പണമെടുത്ത് ഇയാള് ഓടിപ്പോകുന്നതും കാണാം. 27 സെക്കന്റുകള്ക്കുള്ളിലാണ് സംഭവം നടക്കുന്നത്.
കടയില് നിന്ന് വെടിയൊച്ച കേട്ടെന്ന സന്ദേശത്തിന്റെ അടിസ്ഥാനത്തില് ഉടന് തന്നെ പൊലീസ് സംഭവസ്ഥലത്തെത്തിയെങ്കിലും മേഘ്ന മരണത്തിന് കീഴടങ്ങിയിരുന്നു. മോഷണശ്രമമാണെന്ന് പറയുന്നെങ്കില് കൂടി എന്തിനാണ് ആദ്യം തന്നെ മേഘ്നയെ വധിച്ചത് എന്ന് പൊലീസിന് സംശയമുണ്ട്. മുന്വൈരാഗ്യമാണോ കൊലപാതകത്തിന് പിന്നിലെന്നും പൊലീസ് സംശയിക്കുന്നു. സംഭവത്തിന്റെ ദൃശ്യങ്ങള് ഇതിനോടകം സോഷ്യല് മീഡിയയില് പ്രചരിച്ചുകഴിഞ്ഞു.
ENGLISH SUMMARY:
