ശത്രുതയുടെ 'വന്മതില്' പൊളിച്ച പാപ്പ; സമാധാനത്തിന്റെ സന്ദേശ വാഹകന് വിട
- Gulf & Global
- Published on Apr 21, 2025, 02:38 PM IST
FILE - Pope Francis delivers his blessing as he recites the Angelus noon prayer from the window of his studio overlooking St.Peter's Square, at the Vatican, Sunday, Jan. 19, 2025. (AP Photo/Andrew Medichini, file)
കത്തോലിക്കാ സഭയെ നയിക്കുകയെന്ന അജപാലന ദൗത്യം വത്തിക്കാന്റെ അതിരുകളില് തളച്ചിടാതിരുന്ന തീര്ഥാടകനായ പാപ്പായായിരുന്നു ഫ്രാന്സിസ്. 12 വര്ഷത്തിനിടെ 47 അപ്പസ്തോലിക യാത്രകളിലായി 66 രാജ്യങ്ങളാണ് മാര്പാപ്പ സന്ദര്ശിച്ചത്. ചരിത്രത്തിലാദ്യമായി ഗള്ഫ് സന്ദര്ശിച്ച ഒരു മാര്പാപ്പയെന്ന ഖ്യാതിക്കൊപ്പം ഏറെ വൈവിധ്യങ്ങളും പ്രത്യേകതകളും നിറഞ്ഞതായിരുന്നു ആ യാത്രകള്.
Palestinian leader Mahmud Abbas (C) kisses Israeli President Shimon Peres (L) next to Pope Francis after a joint peace prayer on June 8, 2014 at the Vatican. The Vatican has defined the meeting between Israeli President Shimon Peres and Israeli President Shimon Peres as an "invocation for peace" but has stressed it will not be an "inter-religious prayer", which would have posed problems for the three faiths. In the Vatican Gardens, the prayers will be recited in chronological order of the world's three main monotheistic religions, starting with Judaism, followed by Christianity and then Islam. AFP PHOTO / FILIPPO MONTEFORTE
ഗള്ഫ് മണ്ണിലേക്ക് ആദ്യമായെത്തിയ മാര്പാപ്പയ്ക്ക് സ്വാഗതമോതാന് യുഎഇ ഭരണകൂടം ഒരുമിച്ചെത്തി. മതങ്ങളുടെ അതിര്വരമ്പുകള്ക്കപ്പുറം മാനവികതയ്ക്കായി കൈകോര്ക്കണമെന്ന സന്ദേശമാണ് പാപ്പ പങ്കുവച്ചത്. അതുതന്നെയായിരുന്നു മാര്പാപ്പയുടെ എല്ലാ സന്ദര്ശനങ്ങളുടേയും രത്നച്ചുരുക്കം.
2013 ല് ചുമതലയേറ്റതിന് പിന്നാലെ ബ്രസീലില് ലോക യുവജന സമ്മേളനത്തില് പങ്കെടുക്കാനായിരുന്നു ആദ്യ യാത്ര. പിന്നീടിങ്ങോട്ട് ശാരീരിക ബുദ്ധിമുട്ടുകള് പോലും മറികടന്ന് തുടര്ച്ചയായി യാത്രകള്. കൂടുതലും സാഹോദര്യം ഊട്ടിയുറപ്പിക്കാന് ക്രൈസ്തവര് ന്യൂനപക്ഷങ്ങളായുള്ള രാജ്യങ്ങളിലേക്കായിരുന്നു. യുഎഇ, ഇറാഖ്, തുര്ക്കി, ബഹ്റൈന്, മൊറോക്കോ തുടങ്ങി ഇസ്ലാമിക രാഷ്ട്രങ്ങള് സന്ദര്ശിച്ച പാപ്പ, ശ്രീലങ്കയിലും മ്യാന്മറിലും ബംഗ്ലദേശിലും സിംഗപ്പുരിലുമെത്തി ഏഷ്യന് രാജ്യങ്ങളോടുള്ള മമത നേരിട്ടറിയിച്ചു.
Pope Francis holds hands with Fidel Castro in Havana, Cuba, Sunday, Sept. 20, 2015. The Vatican described the 40-minute meeting at Castro's residence as informal and familial, with an exchange of books. (AP Photo/Alex Castro)
ചുമതലയേറ്റതിന്റെ തൊട്ടടുത്ത വര്ഷം പലസ്തീനിലും ഇസ്രയേലിലുമെത്തി ഭരണാധികാരികളെ ഒന്നിച്ചുനിര്ത്തി പാപ്പ പ്രാര്ഥന നടത്തി. അത്യപൂര്വമായ ആ കാഴ്ച കണ്ട് ലോകത്തിന്റെ മനം കുളിര്ത്തു. ഇസ്രയേല് പ്രസിഡന്റ് ഷിമോണ് പെരസും പലസ്തീന് പ്രസിഡന്റ് മഹമ്മൂദ് അബ്ബാസും ഫ്രാന്സിസ് മാര്പാപ്പയ്ക്കൊപ്പം പ്രാര്ഥനയില് പങ്കുചേര്ന്നു. ക്യൂബയിലെത്തി ഫിദല് കാസ്ട്രോയെ കണ്ടു. ശത്രുത വൻമതിൽകെട്ടിയ അരനൂറ്റാണ്ടു മറന്ന് ക്യൂബയും യുഎസും സൗഹൃദപാതയിൽ ഒരുമിച്ചു മുന്നേറണമെന്ന പാപ്പായുടെ ആഹ്വാനം ഭാവിക്ക് പ്രതീക്ഷ പകര്ന്നു.
ചൈനയും ദക്ഷിണകൊറിയയും ഉള്പ്പെടെയുള്ള കമ്യൂണിസ്റ്റ് രാജ്യങ്ങളെ അദ്ദേഹം തുറന്ന ചര്ച്ചയ്ക്ക് ക്ഷണിച്ചു. ദക്ഷിണകൊറിയയിലേയ്ക്കുള്ള യാത്രയ്ക്ക് ഫ്രാന്സിസ് പാപ്പയ്ക്കായി കമ്യൂണിസ്റ്റ് ചൈന ആകാശപാത തുറന്നു നല്കി. ഇറാഖില് ഇസ്ലാമിക് സ്റ്റേറ്റ് ഭീരരര് തകര്ത്ത പള്ളിയില് സമാശ്വാസത്തിന്റെ സന്ദേശവുമായി പാപ്പയെത്തി. ഒടുവില് പാപ്പ വിടപറയുമ്പോള് മാനവ സാഹോദര്യത്തിന്റെ ആഘോഷങ്ങളാണ് ഓര്മകളാകുന്നത്.
ENGLISH SUMMARY: