തഹാവൂര് റാണയുടെ പൗരത്വം കാനഡ റദ്ദാക്കും; നീക്കം മാര്ക് കാര്ണി ഇന്ത്യ സന്ദര്ശിക്കാനിരിക്കെ
- Gulf & Global
- Published on Feb 24, 2026, 08:54 AM IST
മുംബൈ ഭീകരാക്രമണത്തിന്റെ മുഖ്യസൂത്രധാരന് തഹാവൂര് റാണയുടെ പൗരത്വം റദ്ദാക്കാന് കാനഡ. കനേഡിയന് പ്രധാനമന്ത്രി മാര്ക് കാര്ണിയുടെ ഇന്ത്യാ സന്ദര്ശനത്തോട് മുന്നോടിയായാണ് തീരുമാനം. ഈ ആഴ്ചയാണ് കനേഡിയന് പ്രധാനമന്ത്രി ഇന്ത്യയിലെത്തുന്നത്.
നിലവില് മുംബൈ ഭീകരാക്രമണത്തില് കുറ്റവിചാരണ കാത്ത് ഇന്ത്യയുടെ കസ്റ്റഡിയിലാണ് തഹാവൂര് റാണയുള്ളത്. പാക്കിസ്ഥാനില് ജനിച്ചുവളര്ത്ത റാണ 1997ലാണ് കാനഡയിലേക്ക് കുടിയേറിയത്. യുഎസാണ് റാണയെ അറസ്റ്റ് ചെയ്ത് ഇന്ത്യയ്ക്ക് കൈമാറിയത്. കഴിഞ്ഞ ഏപ്രില് 10 മുതല് എന്ഐഎയുടെ കസ്റ്റഡിയിലാണ് തഹാവൂര് റാണ.
65കാരനായ റാണയ്ക്ക് 160 പേര് കൊല്ലപ്പെട്ട മുംബൈ ഭീകരാക്രമണത്തിന്റെ ഗൂഢാലോചനയിലും തയാറെടുപ്പുകളിലും പങ്കുണ്ടെന്ന് കണ്ടെത്തിയിരുന്നു. പാക് ഭീകരസംഘടനയായ ലഷ്കറെ തയിബയാണ് മുംബൈ ഭീകരാക്രമണത്തിന് പിന്നില്.
ENGLISH SUMMARY:
