മനോരമമാക്സിൽ ഈ വാരം ഡബിൾ റിലീസ്: 'പൊങ്കാല', 'ശ്വാസം' ചിത്രങ്ങൾ ഡിജിറ്റൽ സ്ട്രീമിംഗ് ആരംഭിക്കുന്നു

മലയാള സിനിമാ പ്രേക്ഷകർക്ക് മികച്ചൊരു ദൃശ്യവിരുന്ന് സമ്മാനിക്കാൻ ഈ വാരാന്ത്യത്തിൽ രണ്ട് ശ്രദ്ധേയമായ ചിത്രങ്ങൾ മനോരമമാക്സിലൂടെ ഡിജിറ്റൽ റിലീസിനെത്തുന്നു. ആക്ഷനും ഇമോഷനും കോർത്തിണക്കിയുള്ള ഈ ഇരട്ട റിലീസ് പ്രേക്ഷകർക്ക് പൂർണ്ണമായ ഒരു സിനിമാനുഭവം ഉറപ്പുനൽകുന്നു.

ഓഗസ്റ്റ് 7 വ്യാഴാഴ്ച സ്ട്രീമിംഗ് ആരംഭിക്കുന്ന 'പൊങ്കാല' തീവ്രമായ ഒരു ആക്ഷൻ ത്രില്ലറാണ്. എ.ബി ബിനിൽ സംവിധാനം ചെയ്തിരിക്കുന്ന ഈ ചിത്രം, ഹാർബർ തൊഴിലാളിയായ അഭിയുടെ ജീവിതത്തിലെ അപ്രതീക്ഷിത സംഭവവികാസങ്ങളിലൂടെയാണ് സഞ്ചരിക്കുന്നത്. വർഷങ്ങളായി മറഞ്ഞുകിടന്ന രഹസ്യങ്ങൾ വെളിപ്പെടുന്നതോടെ, ആഴമേറിയ സൗഹൃദം വഞ്ചനയ്ക്കും ക്രൂരമായ പ്രതികാരത്തിനും വഴിമാറുന്നതാണ് ചിത്രത്തിന്റെ  പ്രമേയം. ഇന്ദ്രൻസ്, ശ്രീനാഥ് ഭാസി, പ്രവീണ എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ഈ ചിത്രം തുടക്കം മുതൽ ഒടുക്കം വരെ പ്രേക്ഷകരെ ആകാംക്ഷയുടെ മുൾമുനയിൽ നിർത്തും.

ഓഗസ്റ്റ് 8 വെള്ളിയാഴ്ച ഇമോഷണൽ ഡ്രാമ-ത്രില്ലറായ 'ശ്വാസം' റിലീസ് ചെയ്യും. ഓട്ടിസം ബാധിച്ച തന്റെ കുഞ്ഞിന് വേണ്ടി ഒരു അമ്മ നടത്തുന്ന അതിജീവനത്തിന്റെ കഥയാണ് ചിത്രം പറയുന്നത്. സമൂഹം തീർക്കുന്ന പ്രതിസന്ധികളെയും മുൻവിധികളെയും അവർ നേരിടുന്നതെങ്ങനെയെന്ന് ചിത്രം വളരെ സൂക്ഷ്മമായി വരച്ചുകാട്ടുന്നു. സന്തോഷ് കീഴാറ്റൂർ, നീന കുറുപ്പ്, ആദർശ് സാബു എന്നിവരുടെ മികച്ച പ്രകടനങ്ങളിലൂടെ, മാതൃസ്നേഹത്തിന്റെയും മനുഷ്യന്റെ അചഞ്ചലമായ ഇച്ഛാശക്തിയുടെയും ആഴം ഈ ചിത്രം പ്രേക്ഷകരിലെത്തിക്കുന്നു.

ഓരോ ആഴ്ചയും പുതിയ സിനിമകളുമായി എത്തുന്ന മലയാളത്തിലെ നമ്പര്‍ വൺ OTT പ്ലാറ്റ്‌ഫോമാണ് ManoramaMAX. മഴവിൽ മനോരമയിലെയും മനോരമ ന്യൂസിലെയും ഹിറ്റ് പ്രോഗ്രാമുകൾക്ക് പുറമെ, അഞ്ഞൂറിലധികം ബ്ലോക്ക്ബസ്റ്റർ സിനിമകളും ഇരുപതിനായിരത്തിലധികം മണിക്കൂർ നീളുന്ന വിനോദശേഖരവുമാണ് മനോരമ മാക്‌സ് പ്രേക്ഷകർക്കായി ഒരുക്കിയിരിക്കുന്നത്.

ഈ വാരത്തിലെ ഹിറ്റ് സിനിമകൾ ഒന്നും തന്നെ മിസ്സ് ചെയ്യാതിരിക്കൂ. ഇപ്പോൾ തന്നെ www.manoramamax.com സന്ദർശിക്കൂ, ആഘോഷങ്ങൾ തുടങ്ങൂ