'സ്വയം ചാകാഞ്ഞത് കൊണ്ട് ദൈവം അയാളുടെ ജീവനെടുത്തു; അത് കഴിഞ്ഞു'! നാനാ പടേക്കറുടെ മരണത്തില്‍ തനുശ്രീ ദത്ത

വിഖ്യാത ബോളിവുഡ് നടന്‍ നാനാ പടേക്കറുടെ ആകസ്മിക നിര്യാണത്തിന് പിന്നാലെ പ്രകോപന പ്രതികരണവുമായി നടി തനുശ്രീ ദത്ത. 'കഴിഞ്ഞത് കഴിഞ്ഞു. ദൈവം അയാളുടെ ജീവനെടുത്തു' എന്നായിരുന്നു അനുശോചനം അറിയിക്കുന്നോയെന്ന് ചോദിച്ചപ്പോള്‍ തനുശ്രീയുടെ മറുപടി.നാനാ പടേക്കര്‍ 'ഹോണ്‍ ഓക്കെ പ്ലീസ്' എന്ന ചിത്രത്തിന്‍റെ സെറ്റില്‍ വച്ച് തന്നോട് ലൈംഗികാതിക്രമം നടത്തിയെന്ന് തനുശ്രീ മീ ടൂ ആരോപണം ഉന്നയിച്ചിരുന്നു. Also Read: കരിയറിന്‍റെ പീക്കില്‍ കാര്‍ഗിലില്‍ യുദ്ധത്തിന് പോയ നാനാ പടേക്കര്‍! ദ് റിയല്‍ ഹീറോ

 'ഒന്നും പറയാനില്ല. എനിക്കിതൊരു ഈവിള്‍ ഡെഡ് പോലെയാണ്. മീ ടൂവിന് ശേഷമുള്ള കഴിഞ്ഞ അഞ്ച് വര്‍ഷമായി ഞാന്‍ കടന്നുപോയ കാര്യങ്ങള്‍ എന്നെ തളര്‍ത്തിക്കളഞ്ഞു. എന്‍റെ കാഴ്ചപ്പാടില്‍ നിന്ന് നോക്കിയാല്‍ ഞാന്‍ ഒരുപാട് അനുഭവിച്ചു. കേസ് പിന്‍വലിക്കാന്‍ വലിയ സമ്മര്‍ദമുണ്ടായി. എന്നിട്ട് ഞാന്‍ കേസ് പിന്‍വലിച്ചോ? ഇല്ല. കോഴ വാഗ്ദാനം ചെയ്യപ്പെട്ടു. എന്നിട്ടും ഞാന്‍ പിന്‍മാറിയില്ല. തെളിവില്ലാതിരുന്നത് കൊണ്ടല്ല കേസ് കോടതി അവസാനിപ്പിച്ചത്. പ്രധാന സാക്ഷിയില്‍ നിന്നുള്ള തെളിവ് കോടതിയില്‍ എത്തിച്ച ദിവസമാണ് ജഡ്ജി കേസ് അവസാനിപ്പിച്ചതായി പ്രഖ്യാപിച്ചത്. ഒന്നാലോചിച്ച് നോക്കിക്കേ, അഞ്ച് വര്‍ഷമെടുത്തിട്ടാണ് കേസിലെ പ്രധാന സാക്ഷിയെ ഞാന്‍ കോടതിയിലെത്തിച്ചത്. അവര്‍ക്ക് ഭീഷണിയുണ്ടായി. എന്‍റെ ഹെയര്‍ഡ്രസ്സറായിരുന്നു. അവര്‍ നല്‍കിയ സത്യവാങ്മൂലം കോടതിയില്‍ നല്‍കി. അവര്‍ക്ക് പൊലീസുകാരില്‍ നിന്നും ഭീഷണിയുണ്ടായി. വീട്ടില്‍ അന്വേഷിച്ചെത്തി ആളുകള്‍ ഭീഷണിപ്പെടുത്തി'- തനുശ്രീ പറഞ്ഞു.  Read More: '45 മിനിറ്റ് സിപിആര്‍ നല്‍കിയിട്ടും നാനാ പടേക്കറെ രക്ഷിക്കാനായില്ല'!

നാനാ പടേക്കര്‍ തന്നെ വളരെയധികം ഉപദ്രവിച്ചുവെന്നും അവര്‍ കൂട്ടിച്ചേര്‍ത്തു. 'എന്ത് പറഞ്ഞാലും സത്യം സത്യമല്ലാതെയാകുന്നില്ല. സത്യവാങ്മൂലം , അതും പ്രധാനസാക്ഷിയുടേത് കോടതിയില്‍ എത്തിച്ചാല്‍ അത് പരിശോധിക്കുകയെന്ന രീതിയുണ്ട്. പക്ഷേ അന്നേ ദിവസം കേസ് അവസാനിപ്പിക്കുകയായിരുന്നു. അങ്ങേയറ്റം ധാര്‍ഷ്ട്യക്കാരനായിരുന്നു അയാള്‍. അയാള്‍ സ്വയം ജീവനൊടുക്കാതിരുന്നതിനാല്‍ ദൈവം അയാളുടെ ജീവനെടുത്തു. അയാളെന്നെ പരമാവധി ഉപദ്രവിച്ചു' - എന്നും നാനാ പടേക്കറുടെ മരണത്തിന് പിന്നാലെ അവര്‍ വാര്‍ത്താ ഏജന്‍സിയായ IANS നോട്  പ്രതികരിച്ചു.

ഇന്നലെ പുലര്‍ച്ചെയാണ് ഹൃദയാഘാതത്തെ തുടര്‍ന്ന് ഗോവയിലെ വസതിയില്‍ നാനാ പടേക്കര്‍ അന്തരിച്ചത്. പുലര്‍ച്ചെ രണ്ടരയോടെ കടുത്ത നെഞ്ചുവേദന അനുഭവപ്പെട്ട അദ്ദേഹം വിവരം സുഹൃത്തിനെ അറിയിച്ചിരുന്നുവെങ്കിലും വൈദ്യസംഘമെത്തിയപ്പോഴേക്ക് വൈകിപ്പോയിരുന്നു. 45 മിനിറ്റോളം സിപിആര്‍ നല്‍കിയിട്ടും നാനാപടേക്കറുടെ ജീവന്‍ രക്ഷിക്കാന്‍ കഴിഞ്ഞില്ല. അസ്വാഭാവിക മരണത്തില്‍ പനജി പൊലീസ് കേസ് റജിസ്റ്റര്‍ ചെയ്തിട്ടുണ്ട്.