അടുത്തിടെ സിനിമാലോകം ആഘോഷമാക്കിയ വിവാഹമായിരുന്നു രശ്മിക മന്ദാനയുടേയും വിജയ് ദേവരകൊണ്ടയുടേയും. അടുത്തിടെ ഇരുവരും തായ്ലന്ഡില് ഹണിമൂണ് ആഘോഷിക്കുന്ന ചിത്രങ്ങള് പുറത്ത് വന്നിരുന്നു. ഗോവണിപ്പടിയിൽ പരസ്പരം പുണര്ന്നു നിൽക്കുന്ന ഇരുവരുടെയും ചിത്രം ആരാധകർ ഏറ്റെടുത്തിരുന്നു.
ഇപ്പോള് ഹണിമൂണ് വിഡിയോയും പുറത്തുവിട്ടിരിക്കുകയാണ്. തായ്ലൻഡിലെ കോ സാമുയി ദ്വീപിലാണ് രശ്മികയും വിജയ്യും ഹണിമൂൺ ആഘോഷമാക്കിയത്. ആഡംബര റിസോർട്ടുകൾക്ക് പകരം സ്വകാര്യതയ്ക്ക് പ്രാധാന്യം നൽകി കടലിന് അഭിമുഖമായുള്ള ഒരു എയർബിഎൻബി വില്ലയിലാണ് ഇരുവരും താമസിക്കുന്നത്. ഇവർക്കൊപ്പം അടുത്ത സുഹൃത്തുക്കളും ട്രിപ്പിലുണ്ട്.
കഴിഞ്ഞ ഫെബ്രുവരി 26-നാണ് വിജയ് ദേവരകൊണ്ട രശ്മികയും തമ്മിലുള്ള വിവാഹം നടന്നത്. ദീര്ഘനാളത്തെ പ്രണയത്തിന് ശേഷമായിരുന്നു വിവാഹം. മാർച്ച് 4 ന് ദമ്പതികള് ഹൈദരാബാദിൽ അടുത്ത സുഹൃത്തുക്കൾക്കായി ഒരു വിരുന്നും സംഘടിപ്പിച്ചിരുന്നു. വിവാഹത്തോടനുബന്ധിച്ച് ഇന്ത്യയിലെ വിവിധ നഗരങ്ങളിൽ മധുരം വിതരണം ചെയ്തിരുന്നു. ഇനി രാഹുൽ സംകൃത്യൻ സംവിധാനം ചെയ്യുന്ന 'രണബാലി' എന്ന ചിത്രമാണ് ഇരുവരുടേതുമായി അണിയറയില് ഒരുങ്ങുന്നത്.