‘ഈ പോസ്റ്റർ ഷെയർ ചെയ്യുന്ന ആളുകളോട് സഹതാപം, വ്യാജമാണിത് ‘

‘ദാവീദ്’ സിനിമയുടേത് എന്ന തരത്തില്‍ സമൂഹമാധ്യമങ്ങളില്‍ പ്രചരിക്കുന്ന പോസ്റ്റർ വ്യാജമാണെന്ന് നടന്‍ ആന്‍റണി പെപ്പെ. തന്‍റെ ഇന്‍സ്റ്റഗ്രാം 

അക്കൗണ്ടില്‍, വ്യാജ പോസ്റ്റര്‍ പങ്കുവെച്ചുകൊണ്ടായിരുന്നു താരത്തിന്‍റെ പോസ്റ്റ്. 

‘ദാവീദ്’ സിനിമയുടെ പോസ്റ്റർ എന്ന വ്യാജേന ഒരു പോസ്റ്റർ കാണാൻ ഇടയായി. ഈ പോസ്റ്ററിന് ‘ദാവീദ്’ ടീമുമായി യാതൊരുവിധ ബന്ധവുമില്ല. ഇത്തരം പോസ്റ്ററുകൾ ഒരു സിനിമാ പ്രവർത്തകരും മറ്റൊരു സിനിമയെ തകർക്കാനോ അപകീർത്തിപെടുത്താനോ ഉപയോഗിയ്ക്കും എന്ന് ഞാൻ വിശ്വസിയ്ക്കുന്നില്ല. ഇതുപോലുള്ള പോസ്റ്ററുകൾ ഉണ്ടാക്കി ആത്മസുഖം കണ്ടെത്തുവരുടെ മനോരോഗ സ്വഭാവം നമുക്കു മനസിലാക്കാം. എന്നാൽ ഈ ഒരു കാലത്തും ഇതൊക്കെ വിശ്വസിച്ചു മേൽപറഞ്ഞ പോസ്റ്റർ ഷെയർ ചെയ്യുന്ന ആളുകളോട് സഹതാപം അല്ലാതെ മറ്റൊന്നും തോന്നുന്നില്ല. നല്ല സിനിമകൾ എന്നും വിജയിക്കുക തന്നെ ചെയ്യും. – ആന്റണി വർഗീസ് കുറിച്ചു. 

ആഷിഖ് അബു എന്ന ബോക്സർ ആയിട്ടാണ് ആന്‍റണി പെപ്പെ ചിത്രത്തിൽ എത്തുന്നത്. ഗോവിന്ദ് വിഷ്ണു സംവിധാനം ചെയ്ത ചിത്രത്തിന് തിരക്കഥ ഒരുക്കിയത് ​ഗോവിന്ദ് വിഷ്ണുവും ദീപുരാജീവും ചേര്‍ന്നാണ്. സെഞ്ച്വറി മാക്‌സ്, ജോണ്‍ & മേരി പ്രൊഡക്ഷന്‍സ്, പനോരമ സ്റ്റുഡിയോസ്, എബി എബ്രഹാം, ടോ ജോസഫ് എന്നിവരാണ് ചിത്രത്തിന്‍റെ നിര്‍മാണം.