ഇന്ത്യൻ ചലച്ചിത്ര ഇതിഹാസം ഉലകനായകൻ കമൽ ഹാസന് യു.എ.ഇ സർക്കാരിന്റെ ഗോൾഡൻ വീസ. ദുബൈ ജി.ഡി.ആർ.എഫ്.എ അധികൃതരിൽ നിന്ന് താരം ഗോൾഡൻ വീസ ഏറ്റുവാങ്ങി. പ്രശസ്ത സാമൂഹിക-പരിസ്ഥിതി പ്രവർത്തകൻ ഡോ. കെ. അബ്ദുൽ ഗനിയും ഒപ്പമുണ്ടായിരുന്നു. സിനിമ രംഗത്തെ സംഭാവനകൾ വിലയിരുത്തിയാണ് ആദരം. നേരത്തെ മമ്മൂട്ടി, മോഹൻലാൽ അടക്കമുള്ള സൂപ്പർ താരങ്ങള്ക്കും മറ്റ് പല പ്രമുഖർക്കും യു.എ.ഇ ഗോൾഡൻ വീസ നൽകി ആദരിച്ചിരുന്നു.
