തൃശൂരില് രാഗം തിയറ്റര് നടത്തിപ്പുകാരന് സുനിലിനെ വെട്ടിയ കേസില് നാലുപേര് പിടിയില്. ക്വട്ടേഷന് നല്കിയ ആളും കസ്റ്റഡിയില്. മണ്ണുത്തി സ്വദേശി സിജോയും സംഘവുമാണ് പിടിയിലായത്. ക്വട്ടേഷന് നല്കിയത് മൂന്നുലക്ഷത്തിന് പ്രവാസി വ്യവസായി. സുനിലിനെ വെട്ടാന് കാരണം സാമ്പത്തിക ഇടപാട്
രാഗം തിയറ്ററിന്റെ നടത്തിപ്പുക്കാരന് സുനിലിനെ വധിക്കാനായിരുന്നു ശ്രമം. കാറിലെ ഡ്രൈവറെ ആദ്യം വെട്ടി. പിന്നാലെ, സുനിലിനേയും. ഇരുവര്ക്കും ഗുരുതരമായ പരുക്കേറ്റു. വന്നത് ഗുണ്ടാസംഘമാണെന്ന് ഉറപ്പായിരുന്നു. കാരണം, സുനിലന് നേരിട്ട് പരിചയമില്ലാത്തവരായിരുന്നു അക്രമം. അപ്പോള് പിന്നെ, ആര് നല്കിയ ക്വട്ടേഷന് എന്നതായിരുന്നു ചോദ്യം.
ഗുണ്ടകള് വന്ന കാര് പ്രവാസി വ്യവസായിയുടെ തൃശൂരിലെ വിശ്വസ്തരുടേതാണ്. ഒരു വര്ഷം മുമ്പ് സുനിലെ ആക്രമിച്ച കേസിലും ഈ വിശ്വസ്തരില് ഒരാള് പ്രതിയായിരുന്നു. കൂട്ടുപ്രതി, പ്രവാസി വ്യവസായിയും. സുനിലും ഈ വ്യവസായിയും തമ്മില് സാമ്പത്തിക ഇടപാടുകളുണ്ടായിരുന്നു. ഇതേചൊല്ലി, തര്ക്കം നിലനിന്നിരുന്നു. ഇതിന്റെ പ്രത്യാഘാതമാകാം ക്വട്ടേഷനെന്ന് സംശയിക്കുന്നു.