കാഞ്ചീപുരത്ത് 11–ാം ക്ലാസ് വിദ്യാര്ഥിനിയെ പീഡിപ്പിച്ചതായി പരാതി. എട്ട് ഒമ്പത് ക്ലാസ് വിദ്യാര്ഥികള് ഉള്പ്പെടെ മൂന്നുപേര് ചേര്ന്നാണ് പീഡിപ്പിച്ചതെന്നാണ് പരാതി. കാഞ്ചീപുരം കലക്കത്തൂരിലെ സര്ക്കാര് സ്കൂള് വിദ്യാര്ഥിനിയായ 16 കാരിയെ പീഡിപ്പിച്ചതായാണ് പരാതി. പെണ്കുട്ടി വീട്ടുകാരോട് വിവരം പറഞ്ഞതോടെ കാഞ്ചീപുരം ഓള് വിമന്സ് പൊലീസ് സ്റ്റേഷനില് പരാതി നല്കുകയായിരുന്നു.
ഒരു 19കാരനും 8,9 ക്ലാസുകളില് പഠിക്കുന്ന രണ്ടുവിദ്യാര്ഥികളും ചേര്ന്ന് പീഡിപ്പിച്ചെന്നാണ് പരാതി. ശീതളപാനീയത്തില് മദ്യം കലര്ത്തി വിദ്യാര്ഥിനിക്ക് നല്കി. പിന്നീട് ഒഴിഞ്ഞ ഇടത്തേക്ക് കൊണ്ടുപോയി പീഡിപ്പിച്ചെന്നാണ് പരാതി. പരാതിയുടെ അടിസ്ഥാനത്തില് മൂന്നുപേരേയും പൊലീസ് പിടികൂടി ചോദ്യംചെയ്ത് വരികയാണ്. സിസിടിവി ദൃശ്യങ്ങള് ഉള്പ്പെടെ ശേഖരിച്ച് പരിശോധിച്ച് വരികയാണ്.