ഡിജിറ്റല് പേയ്മെന്റിന് ഇനി ഒടിപി മാത്രം പോര; മാറ്റങ്ങള് അറിയാം
- Business
- Published on Apr 01, 2026, 02:02 PM IST
Image Credit: facebook.com/upichalega
ഡിജിറ്റല് പണമിടപാടുകള് കൂടുതല് സുരക്ഷിതമാക്കുന്നതിനായി ടു–ഫാക്ടര് ഓതന്റിക്കേഷന് നിര്ബന്ധമാക്കി റിസര്വ് ബാങ്ക്. പുതുക്കിയ ചട്ടപ്രകാരമാണ് യുപിഐ, കാര്ഡ്, വാലറ്റ് ഇടപാടുകള്ക്ക് ടു ഫാക്ടര് ഓതന്റിക്കേഷന് നിര്ബന്ധമാക്കിയത്. ഇതിലൊന്ന് ഒടിപിയും മറ്റൊന്ന് അല്ലാതെയുള്ള വെരിഫിക്കേഷനുമാണ്. ഇന്ന് (ഏപ്രില് 1) മുതലാണ് പുതുക്കിയ ചട്ടം പ്രാബല്യത്തിലായത്.
മുന്പ് ഒടിപി മാത്രമുണ്ടെങ്കില് പണമിടപാടുകള് നടത്താന് കഴിഞ്ഞിരുന്നു. പുതിയ ചട്ടം നിലവില് വന്നതോടെ ഓരോ പണമിടപാടിനും പിന് നമ്പര്, പാസ്വേര്ഡ്, ബയോമെട്രിക് ഓതന്റിക്കേഷന്, സെക്വര് ടോക്കണ് ഇവയിലേതെങ്കിലും നിര്ബന്ധമാണ്. അതായത് ഓരോ പണമിടപാടും രണ്ടുവട്ടം സുരക്ഷിതമെന്ന് ഉറപ്പ് വരുത്തും. പണമിടപാടില് കുറച്ച് സമയം കൂടുതല് എടുക്കുമെങ്കിലും സുരക്ഷ പൂര്ണമായും ഉറപ്പാക്കാന് കഴിയുമെന്നതാണ് ഇതിന്റെ സവിശേഷത.
പണമിടപാടുകളെ രണ്ടായി തിരിച്ചാകും ബാങ്ക് സേവനങ്ങള്. സുരക്ഷിതമായതും വിശ്വസനീയമായതുമായ ഉപകരങ്ങള് അല്ലെങ്കില് പതിവായി നടത്തുന്ന ഇടപാടുകള് ഇവ വേഗത്തിലും ആയസരഹതിമായും തുടരും. ഇതിനെ ലോ റിസ്ക് ട്രാന്സാക്ഷന് വിഭാഗത്തിലാണ് ഉള്പ്പെടുത്തിയിരിക്കുന്നത്. വലിയ തുകയുടെ ഇടപാടുകള്, അല്ലെങ്കില് പുതിയ ഉപകരണങ്ങളില് നിന്നുള്ള പണമിടപാടുകള് എന്നിവയ്ക്ക് സമയം അല്പ്പം കൂടും, പരിശോധനയും.
പുതിയ ചട്ടങ്ങള് പ്രാബല്യത്തിലായതോടെ യുപിഐ പ്ലാറ്റ്ഫോമുകളിലും ചില നിയന്ത്രണങ്ങള് വന്നു. ഒരു ദിവസം ഒരു ആപ്പില് നിന്ന് പരമാവധി 50 തവണ മാത്രമേ ബാലന്സ് തുക പരിശോധിക്കാന് കഴിയുകയുള്ളൂ. സിസ്റ്റത്തിലേക്ക് ഓവര്ലോഡ് വരാതെയിരിക്കാനാണ് ഈ നിയന്ത്രണം.
- അക്കൗണ്ട് ലിങ്കിങ്; ഒരു യുപിഐ അക്കൗണ്ടില് നിന്ന് ഒരു ദിവസം 25 ബാങ്ക് അക്കൗണ്ടുകളേ പരമാവധി ലിങ്ക് ചെയ്യാന് കഴിയുകയുള്ളൂ.
- സ്റ്റാറ്റസ് ചെക്ക് ഗ്യാപ്: പെന്ഡിങായ ഇടപാട് പൂര്ത്തിയായോ എന്ന് മൂന്ന് തവണ പരിശോധിക്കാം. 90 െസക്കന്റിന്റെ ഇടവേളയാണ് ഇതിനായി നിശ്ചയിച്ചിരിക്കുന്നത്.
- ഓട്ടോ െഡബിറ്റ് ടൈമിങ്: ഇഎംഐ, സബ്സ്ക്രിപ്ഷനുകള് എന്നിവ പിടിക്കുന്നത് നോണ് പീക്ക് അവറിലേക്ക് മാറ്റി. (രാവിലെ 10 ന് മുന്പോ, രാത്രി ഒന്പതരയ്ക്ക് ശേഷമോ)
ENGLISH SUMMARY:
