‘തുറക്കാം നമുക്ക് മനസ് തുറക്കാം’; കൈതപ്രം ദാമോദരൻ നമ്പൂതിരിയുടെ 76-ാം പിറന്നാൾ ആഘോഷിച്ച് റേഡിയോ മാംഗോ

ഗാനരചയിതാവ് കൈതപ്രം ദാമോദരൻ നമ്പൂതിരിയുടെ 76-ാം പിറന്നാൾ ദിനത്തിൽ റേഡിയോ മാംഗോയുടെ ഹാപ്പിനസ് മീറ്റ്-അപ്പ്. ‘തുറക്കാം നമുക്ക് മനസ് തുറക്കാം’ എന്ന പേരിൽ സംഘടിപ്പിച്ച പരിപാടിയിൽ ശ്രോതാക്കളുമായും ക്യാംപസ്-മ്യൂസിക്-ക്ലബ് അംഗങ്ങളുമായും കൈതപ്രം അനുഭവങ്ങൾ പങ്കുവച്ചു. പാട്ടും ഓർമകളുമായി പിറന്നാൾ ആഘോഷിച്ച കൈതപ്രത്തിന് സദസ് ജന്മദിനാശംസകളും നേർന്നു. റേഡിയോ മാംഗോയുടെ സിഗ്നേച്ചർ ജിംഗിളായ ‘നടക്കാം പുതുമ തേടി നടക്കാം’ രചിച്ചത് കൈതപ്രമാണ്.