സൗത്ത് ഇന്ത്യൻ ബാങ്കിന്‍റെ അറ്റാദായത്തില്‍ 17.29 ശതമാനം വളർച്ച

2026-27 സാമ്പത്തിക വർഷത്തിലെ ഒന്നാം പാദത്തിൽ മികച്ച പ്രകടനവുമായി സൗത്ത് ഇന്ത്യൻ ബാങ്ക്. ബാങ്കിന്റെ അറ്റാദായത്തില്‍ 17.29 ശതമാനം വളർച്ച രേഖപ്പെടുത്തി 377.63 കോടി രൂപയായി. ബാങ്കിന്റെ ആസ്തി ഗുണമേന്മയിലും കാര്യമായ പുരോഗതിയുണ്ടായി. മൊത്തം നിഷ്ക്രിയ ആസ്തി 1.38 ശതമാനമായി കുറ​ഞ്ഞു. നിക്ഷേപങ്ങളിലും വായ്പകളിലും ബാങ്ക് ശ്രദ്ധേയമായ വളർച്ച കൈവരിച്ചു. സുസ്ഥിരമായ ലാഭം, മികച്ച ആസ്തി ഗുണമേന്മ, കരുത്തുറ്റ വായ്പാ ശേഖരം എന്നിവയിൽ ശ്രദ്ധ കേന്ദ്രീകരിക്കുന്ന തന്ത്രം തുടരുമെന്ന് എംഡിയും സിഇഒയുമായ പി.ആർ. ശേഷാദ്രി അറിയിച്ചു.