ഓള് കേരള ബെസ്റ്റ് മാനേജര് കോണ്ടസ്റ്റ് ഗ്രാന്ഡ് ഫിനാലെ കൊച്ചിയില് സംഘടിപ്പിച്ചു
- Business
- Published on May 17, 2025, 09:04 AM IST
കൊച്ചി, ഗ്ലോബൽ ഇൻസ്റ്റിറ്റ്യൂട്ട് ഓഫ് ഇന്റഗ്രൽ മാനേജ്മെന്റ് സ്റ്റഡീസിന്റെ നേതൃത്വത്തിൽ ഓള് കേരള ബെസ്റ്റ് മാനേജര് കോണ്ടസ്റ്റ് ഗ്രാന്ഡ് ഫിനാലെ സീസണ് 10 സംഘടിപ്പിച്ചു. പാലാരിവട്ടം ക്യാംപസില് നടന്ന ഫിനാലെയില് തൃപ്പൂണിത്തുറ ചിന്മയ കോളേജിലെ കെ. അഖില വിജയിയായി. GIIMS ഡീനും എച്ച്ഒഡിയുമായ യു.ഹരിപ്രിയ ഒന്നാം സമ്മാനമായ 50000 രൂപ വിജയിക്ക് നല്കി. ചിന്മയ കോളജിലെ ബിനില് തങ്കച്ചന് ഫസ്റ്റ് റണ്ണറപ്പായും പാലക്കാട് വിക്ടോറിയ കോളജിലെ അഖില എ. നായര് സെക്കന്ഡ് റണ്ണറപ്പായും തിരഞ്ഞെടുക്കപ്പെട്ടു. രണ്ടാംസ്ഥാനത്തിന് 30000 രൂപയും മൂന്നാംസ്ഥാനത്തിന് 20000 രൂപയും സമ്മാനിച്ചു. കേരളത്തിലെ എല്ലാ ജില്ലകളിലെയും വിവിധ കോളജുകളില് നടത്തിയ പ്രാഥമിക റൗണ്ടിലെ നൂറോളം വിജയികളാണ് ഫിനാലെയില് പങ്കെടുത്തത്.
ENGLISH SUMMARY:
