വനിതാ ദിനാഘോഷം; ഹരിത കർമസേനാംഗങ്ങളെ ആദരിച്ച് റിച്ച്മാക്സ് ഗ്രൂപ്പ്

വനിതാ ദിനാഘോഷങ്ങളുടെ ഭാഗമായി ഹരിത കർമസേനാംഗങ്ങളെ ആദരിച്ച് റിച്ച്മാക്സ് ഗ്രൂപ്പ്. ആലുവ വാലത്ത് ടവേഴ്‌സില്‍ സംഘടിപ്പിച്ച ചടങ്ങില്‍ ഹരിത കർമസേനാംഗങ്ങളായ  രാധയെയും ജയയെയും ആദരിച്ചു. സ്ത്രീകളുടെ ഉന്നമനവും  സുരക്ഷയും ലക്ഷ്യമിട്ടുള്ള റിച്ച്മാക്സ് ഗ്രൂപ്പിന്റെ ‘ബിന്ദിയ ഇനിഷ്യേറ്റീവ് ’ ന്റെ ഭാഗമായാണ് പരിപാടി സംഘടിപ്പിച്ചത്. ലഹരിമരുന്ന് ഉപയോഗത്തിനെതിരെയുള്ള റിച്ച്മാക്സ് ഗ്രൂപ്പിന്റെ ബോധവൽക്കരണ പരിപാടിയായ സ്പർഷിന്റെ കീഴിലാണ് ബിന്ദിയ ഇനിഷ്യേറ്റീവ് പ്രവർത്തിക്കുന്നത്. റിച്ച്മാക്‌സ് ഗ്രൂപ്പ് ചെയർമാനും മാനേജിങ് ഡയറക്ടറുമായ ജോർജ് ജോൺ വാലത്ത് ഉള്‍പ്പെടെയുള്ളവര്‍ ചടങ്ങില്‍ പങ്കെടുത്തു.