പോപ് ഗായകന് ജസ്റ്റിൻ ബീബർ മുംബൈയിൽ. വേൾഡ് ടൂറിന്റെ ഭാഗമായി ആദ്യമായാണ് ബീബർ ഇന്ത്യയിലെത്തുന്നത്. മുംബൈ ഡിവൈ പാട്ടീൽ സ്റ്റേഡിയത്തിൽ വൈകിട്ടാണ് സംഗീതപരിപാടി. പോപ് സംഗീതത്തിൽ പുതുതരംഗമായ ജസ്റ്റിൻ ബീബർ എന്ന അഭിനവ മൈക്കൽജാക്സൻ ആദ്യമായാണ് ഇന്ത്യൻ മണ്ണിലെത്തുന്നത്. വേൾഡ് ടൂറിന്റെ ഭാഗമായി ദുബായില് അവതരിപ്പിച്ച സംഗീതപരിപാടിക്ക് ശേഷം, സ്വകാര്യജറ്റ് വിമാനത്തിൽ അദ്ദേഹം മുംബൈയിലിറങ്ങി.
അഞ്ച് ദിവസമാണ് ഇന്ത്യയിലെ സന്ദർശനം. അറുപതിനായിരംപേരെ ഉൾക്കൊള്ളുന്ന മുംബൈയിലെ ഡിവൈ പാട്ടീൽ സ്റ്റേഡിയത്തിലാണ് ബീബറിന്റെ സംഗീതപരിപാടി നടക്കുക. ഒന്നരമണിക്കൂർ ദൈർഘ്യം വരുന്ന പരിപാടി കാണുന്നതിനായി നിർധനരായ നൂറ് കുട്ടികള്ക്കും അവസരം നൽകിയിട്ടുണ്ട്.
കനത്ത സുരക്ഷയാണ് വേദിക്ക് ഒരുക്കിയിരിക്കുന്നത്. സംഗീതപരിപാടിയെ കൂടാതെ ഡൽഹി, ജയ്പൂർ, ആഗ്ര എന്നീ നഗരങ്ങളും, മുംബൈയിലെ ഗേറ്റ് വേ ഓഫ് ഇന്ത്യ, കാലാഘോഡ തുടങ്ങിയ സ്ഥലങ്ങളും ബീബര് സന്ദർശിക്കും.