ഗായകന്‍ കെ.ജെ.യേശുദാസ് പത്മവിഭൂഷണ്‍ പുരസ്കാരം ഏറ്റുവാങ്ങി. രാഷ്ട്രപതിഭവനില്‍ നടന്ന ചടങ്ങില്‍ രാഷ്ട്രപതി പ്രണബ് മുഖര്‍ജി പത്മ പുരസ്കാരങ്ങള്‍ വിതരണം ചെയ്തു. പ്രശസ്ത സംഗീതജ്‍ഞ പാറശാല ബി.പൊന്നമ്മാള്‍ പത്മശ്രീ പുരസ്കാരം ഏറ്റുവാങ്ങി. കായികതാരങ്ങളായ ദീപാ കര്‍മാക്കര്‍ , സാക്ഷി മാലിക്, വികാസ് ഗൗഡ എന്നിവരും പത്മശ്രീ പുരസ്കാരം ഏറ്റുവാങ്ങി. മാര്‍ച്ച് മുപ്പതിന് നടത്തിയ ചടങ്ങില്‍ പത്മ പുരസ്കാരം ഏറ്റുവാങ്ങാന്‍ കഴിയാത്തവര്‍ക്കാണ് ഇന്ന് വിതരണം ചെയ്തത്. മലയാളികളായ ഗുരു ചേമഞ്ചേരി കുഞ്ഞിരാമന്‍ നായര്‍ , മീനാക്ഷിയമ്മ, ഹോക്കി താരം പി.ആര്‍. ശ്രീജേഷ് എന്നിവര്‍ നേരത്തെ പുരസ്കാരം ഏറ്റുവാങ്ങിയിരുന്നു.
×