ആശയത്തിലും നിർമാണത്തിലും തികച്ചു വ്യത്യസ്തമായ ഒരു വീടാണ് മലപ്പുറം ജില്ലയിലെ മങ്കടയിലുള്ള ഡിസൈനർ വാജിദ് റഹ്മാന്റേത്. ഭൂമിയുടെ ഘടനയെ നോവിക്കാതെയാണ് 1700 സ്വകയർഫീറ്റ് ഉള്ള ഈ വീട് പണിതുയർത്തിയിരിക്കുന്നത്. നിരവധി സവിശേഷതകൾ ഈ വീടിനുണ്ട്. ഇഷ്ടിക സിമന്റ്, മണൽ ജലം തുടങ്ങി പരമ്പരാഗത നിർമ്മാണരീതികൾക്കാവശ്യമായ വസ്തുക്കൾ ഒന്നും തന്നെ ഈ വീടിന്റെ നിർമ്മാണത്തിന് വേണ്ട. MS, G 1 സ്റ്റീൽ സെക്ഷനുകളിലാണ് ഈ വീടിന്റെ സ്ട്രക്ചർ നിർമിച്ചിട്ടുള്ളത്. ഭൂനിരപ്പിൽനിന്നും ഉയർന്നാണ് വീട് നിൽക്കുന്നത് .ഭൂമിയുമായി വീടിനുള്ള ബന്ധം 12 MS സെക്ഷനുകൾക്കുമാത്രം .തറ ,ഭിത്തി ,മേൽക്കൂര എന്നിവക്കെല്ലാം പ്രധാനമായും ഫൈബർ സിമന്റ്ബോർഡാണ് ഉപയോഗിച്ചിരിക്കുന്നത് .
ഭിത്തികൾ ഈ മെറ്റിരിയൽ ഉപയോഗിച്ച് സാൻഡ്വിച് മാതൃകയിൽ നിർമിച്ചിരിക്കുന്നതുകൊണ്ട് .വീടിനുള്ളിൽ ചൂട് തീരെ ഇല്ലെന്നുതന്നെ പറയാം കൂടാതെ വയറിങ് ,പ്ലംബിങ് ജോലികൾ ഏറെ എളുപ്പവുമായി . വീടിനുള്ളിൽ ആവോളം കാറ്റും വെളിച്ചവും നിറയ്ക്കാൻ നിരവധി ഓപ്പണിങ്ങുകളുണ്ട് പൗഡർകോട്ടഡ് അലുമിനിയം എലെക്ട്രോക്കോട്ടേഡ് അലുമിനിയം എന്നീ മെറ്റീരിയലുകളും ഗ്ലാസ്സുമാണ് വാതിലുകൾക്കും ജനാലകൾക്കും . വീതികുറഞ്ഞ പ്ലോട്ടിൽ വെർട്ടിക്കലായി വീട് ഡിസൈൻ ചെയ്തുകൊണ്ട് തന്നെ പല ലെവലുകളിലാണ് വീടിന്റെ ഓരോ സ്പേസും
ഫ്ലോറിങ്ങിന് തറയോടാണ് വിരിച്ചിരിക്കുന്നത് .മേൽക്കൂരയിൽ ഫൈബർ സിമന്റുബോർഡിനുമുകളിൽ ഓടും വിരിച്ചിട്ടുണ്ട് താരതമെയ്ന മൈന്റന്സ് കുറവാണ് ഈ വീടിന് ഇനി ആവശ്യംവന്നാൽ തന്നെ ആ ഒരുഭാഗം മാത്രം മുറിച്ചുമാറ്റി പുതിയത് വെക്കാനുമാവും. ഇനി വീട് വലുതാക്കണമെങ്കിൽ കൂട്ടിച്ചേർക്കലും എളുപ്പമാണ് നാലു മാസംകൊണ്ടാണ് ഈ വീടിന്റെ നിർമാണം പൂർത്തിയാക്കിയത് . പരമ്പരാഗത നിർമ്മാണരീതിയെ അപേക്ഷിച്ചു ചെലവും വളരെ കുറവാണ് ഈ വീടിന്. ഇന്റീരിയറും ഫർണിഷിങ്ങും ഉൾപ്പടെ 1700 sqft വീടിന് ഇരുപത്തിരണ്ടുലക്ഷം രൂപയാണ് ചെലവുവന്നത്.