മോഹന്‍ലാലിനെ ചെളിവാരിയെറിഞ്ഞ് ഡബ്ല്യുസിസി നേട്ടത്തിനു ശ്രമിക്കുകയാണെന്നും ബാബുരാജ്. ഡബ്ല്യുസിസിയെ പിന്തുണയ്ക്കുന്ന ഒരാള്‍പോലും ഇപ്പോള്‍ അമ്മയിലില്ല. രാജ്യാന്തരതലത്തില്‍ സംഘടനയുടെ കീര്‍ത്തി വളര്‍ത്താന്‍ ശ്രമിക്കുന്നവര്‍ക്ക് ഗൂഢ അജണ്ടയുണ്ട്. സിനിമകളില്‍ അഭിനയിക്കുക മാത്രമല്ല അവരുടെ ലക്ഷ്യമെന്നും ബാബുരാജ് പറഞ്ഞു.
ആക്രമിക്കപ്പെട്ട നടിയെ ഡബ്ല്യുസിസി സംഘടനയുടെ വളര്‍ച്ചയ്ക്കുവേണ്ടി ഇരയാക്കുകയാണെന്നും അമ്മ നിര്‍വാഹകസമിതി അംഗം ബാബുരാജ് കുറ്റപ്പെടുത്തി. ഇരയ്ക്കുവേണ്ടി സംഘടന ഇതുവരെ ഒന്നുംചെയ്തിട്ടില്ല. അവരെ രക്തസാക്ഷിയായി ഒപ്പം നിര്‍ത്തിയാണ് ഡബ്ല്യുസിസി പ്രവര്‍ത്തിക്കുന്നതെന്നും നേരേ ചൊവ്വേയില്‍ ബാബുരാജ് ആരോപിച്ചു.