പുത്തന് അപ്ഡേറ്റുമായി ഗൂഗിള്; സര്ക്കിള് ടു സെര്ച്ച് ഓപ്ഷനുമായി ക്രോം
- Technology
- Published on May 17, 2024, 04:54 PM IST
ആന്ഡ്രോയ്ഡിനു സമാനമായി ക്രോം ബ്രൗസറിലും സര്ക്കിള് ടു സെര്ച്ച് ഫീച്ചര് അവതരിപ്പിക്കാനൊരുങ്ങി ഗൂഗിള്. ഈ വർഷം ആദ്യം സാംസങ് ഫോണുകളിൽ അവതരിപ്പിച്ച ഈ AI- പവർ ഫീച്ചറാണ് ഗൂഗിള് ക്രോമില് എത്തുന്നത്. ഡെസ്ക്ടോപ്പുകളില് ഗൂഗിള് ക്രോം ഉപയോഗിക്കുമ്പോള് മാത്രമാകും ഈ ഫീച്ചര് ലഭ്യമാകുക.
സ്ക്രീനില് കാണുന്ന ചിത്രങ്ങളുടെ വിവരങ്ങള് അറിയാന് അതിനു ചുറ്റും മൗസ് കൊണ്ട് വൃത്തം വരച്ച് സെര്ച്ച് ചെയ്യുന്ന രീതിയാണ് സര്ക്കിള് ടു സെര്ച്ച്. കൂടുതൽ വിവരങ്ങൾ ലഭിക്കാൻ ടൈപ്പിങ് ഫീച്ചറും ഉണ്ടാകും. ഏതെങ്കിലും വാക്കുകളുടെയോ വരികളുടെയോ അര്ഥം അറിയണമെങ്കിലും ഈ ഫീച്ചര് ഉപയോഗിക്കാം. ക്രോമില് കൂടുതൽ എ.ഐ ഫീച്ചറുകള് ഉള്പ്പെടുത്തുമെന്ന് നേരത്തേ തന്നെ ഗൂഗിള് വ്യക്തമാക്കിയിരുന്നു.
ക്രോമിന്റെ പിസി ക്ലയന്റിൽ ഈ ഫീച്ചര് എത്തിക്കഴിഞ്ഞാൽ ഒരു പർപ്പിൾ ഓവർലേ ഉപയോഗിച്ച് അപ്ഡേറ്റ് ചെയ്ത UI പോപ്പ് അപ്പ് ചെയ്യാൻ ഉപയോക്താക്കൾക്ക് കഴിഞ്ഞേക്കും. ഇവിടെ, ഉപയോക്താക്കൾക്ക് സ്ക്രീനിൽ "സർക്കിൾ" എന്ന ഒപ്ഷന് ക്ലിക്ക് ചെയ്ത് ഫീച്ചര് ഉപയോഗിക്കാം. എന്നാല് ഈ ഫീച്ചര് എന്നുമുതലാണ് ലഭ്യമാകുന്നതെന്ന് ഔദ്യോഗികമായി അറിയിച്ചിട്ടില്ല. ഈ വര്ഷം മൈക്രോസോഫ്റ്റ് എഡ്ജിലും സമാനമായ 'സർക്കിൾ ടു കോ പൈലറ്റ്' എന്ന ഫീച്ചര് അവതരിപ്പിച്ചിരുന്നു.
Circle to Search:
