''ഏഷ്യന്‍ ഗെയിംസില്‍ സഞ്ജുവിനെ ക്യാപ്റ്റനാക്കണമായിരുന്നു; ഇത് ശരിയല്ല''

സഞ്ജു സാംസണിനെ ഏഷ്യന്‍ ഗെയിംസിനുള്ള ടീമിന്റെ ക്യാപ്റ്റനാക്കണമായിരുന്നു എന്ന് മുന്‍ താരം ആകാശ് ചോപ്ര. ഏഷ്യന്‍ ഗെയിംസില്‍ കളിക്കാന്‍ സഞ്ജുവിന് യോഗ്യത ഉണ്ടെന്നാണ് തനിക്ക് തോന്നുന്നത് എന്നും ആകാശ് ചോപ്ര പറഞ്ഞു. 

ലോകകപ്പ് ടീമില്‍ സഞ്ജുവിനെ ഉള്‍പ്പെടുത്തിയില്ല. ഏഷ്യന്‍ ഗെയിംസ് ടീമില്‍ സഞ്ജു ഉള്‍പ്പെടണമായിരുന്നു എന്നാണ് എനിക്ക് തോന്നിയത്.ഏഷ്യന്‍ ഗെയിംസിനുള്ള ടീമില്‍ സഞ്ജു സാംസണ്‍ ഇല്ലാതിരുന്നത് എന്നെ ഞെട്ടിക്കുകയും അസ്വസ്ഥപ്പെടുത്തുകയും ചെയ്തു. ഇത് ശരിയല്ല. ലോകകപ്പ് ടീമിന്റെ തൊട്ടടുത്ത് വരെ സഞ്ജു എത്തി. അതുകൊണ്ട് ഏഷ്യന്‍ ഗെയിംസ് ടീമില്‍ ഉള്‍പ്പെടുത്തണം. സഞ്ജുവിനെ ഏഷ്യന്‍ ഗെയിംസിനുള്ള ടീമിന്റെ ക്യാപ്റ്റനാക്കണമായിരുന്നു എന്നും ആകാശ് ചോപ്ര പറഞ്ഞു. 

13 ഏകദിനങ്ങളാണ് സഞ്ജു ഇതുവരെ ഇന്ത്യക്ക് വേണ്ടി കളിച്ചത്. 55.71 എന്ന ബാറ്റിങ് ശരാശരിയില്‍ സ്കോര്‍ ചെയ്തത് 390 റണ്‍സ്. മുന്‍പോട്ട് പോകാന്‍ തന്നെയാണ് തന്റെ തീരുമാനം എന്ന പ്രതികരണവുമായി കഴിഞ്ഞ ദിവസം സഞ്ജു എത്തിയിരുന്നു.