'ഒരു ടീം തന്നെ കപ്പടിക്കുന്നത് ബോറല്ലേ? അര്ജന്റീന ജയിച്ചു', കണ്ടം വഴി ഓടുന്നെന്ന് സന്തോഷ് പണ്ഡിറ്റ്
- Sports
- Published on Jul 16, 2026, 11:13 AM IST
Image Credit; facebook/santhoshpandit
ഫിഫ ലോകകപ്പില് അര്ജന്റീനയോട് ഇംഗ്ലണ്ട് പരാജയപ്പെട്ടതില് നിരാശ മറച്ചുവയ്ക്കാതെ സംവിധായകന് സന്തോഷ് പണ്ഡിറ്റ്. ലോകകപ്പ് എപ്പോഴും ഒരു ടീം തന്നെ നേടുന്നത് ബോറാണെന്നും എല്ലാവര്ക്കും അവസരം കിട്ടുമ്പോഴാണ് കളി കാണാന് രസമെന്നുമാണ് കടുത്ത ഇംഗ്ലണ്ട് ഫാന് ആയ സന്തോഷ് പണ്ഡിറ്റ് ഫെയ്സ്ബുക്കില് എഴുതുന്നു. ഭാഗ്യം അര്ജന്റീനയ്ക്കൊപ്പം കൂടിയെന്നും ലോകകപ്പിലൊന്നും ഒരു കഥയുമില്ലെന്നും കുറിപ്പില് പറയുന്നു. ഗോള്ഡന് ബൂട്ട് മഴക്കാലത്ത് ഉപയോഗിക്കാന് കഴിയില്ലെന്നും തൂക്കി വിറ്റാലും വലിയ പൈസ കിട്ടില്ലെന്നും സന്തോഷ് പണ്ഡിറ്റ് പറയുന്നു.
സന്തോഷ് പണ്ഡിറ്റിന്റെ കുറിപ്പിങ്ങനെ: 'അർജന്റീനയുടെ മികവിന് മുന്നിൽ എന്റെ പ്രവചനം ചെറുതായി തെറ്റിയ വിവരം എല്ലാവരെയും വിഷമത്തോടെ അറിയിക്കുന്നു. അതോടെ കണ്ടം വഴി ഓടുന്നു. ടൂർണമെന്റ് തുടങ്ങും മുമ്പേ ഇംഗ്ലണ്ട് കപ്പ് അടിക്കും എന്നായിരുന്നു പ്രവചനം.
A Gordon ജി യുടെ ഗോളിലൂടെ ഇംഗ്ലണ്ട് മുന്നെലെത്തിയതാണ്. പക്ഷേ അർജന്റീനയുടെ Fernandas ജി, Martinez ജി എന്നിവരുടെ ഗോളുകൾ ഇംഗ്ലണ്ടിനു പാരയായി. അങ്ങനെ കുഞ്ഞു മാർജിനിൽ (2-1) തോറ്റു പോയി. യഥാർത്ഥത്തിൽ കളി നമ്മുടേതായിരുന്നു, പക്ഷേ ഭാഗ്യം മാത്രം അർജന്റീനക്കു ഒപ്പം കൂട്ടു കൂടി. അല്ലെങ്കിലും എല്ലാ തവണയും ഒരേ ടീം തന്നെ കപ്പ് അടിക്കുന്നത് ബോർ അല്ലേ? എന്ത് പറയുന്നു..? എല്ലാവർക്കും അവസരം കിട്ടുമ്പോൾ അല്ലേ കളി കാണുവാൻ രസം ഉണ്ടാകുള്ളൂ? ഇത് എങ്ങനെ പോയാലും അർജന്റീന.. കഷ്ടം..
ഇംഗ്ലണ്ട് ടീം കപ്പ് കണ്ടു കൂടെ കൂടിയവർ അല്ല. ചുമ്മാ ഒരു രസത്തിനു കളിക്കുന്നു. വേൾഡ് കപ്പിൽ ഒന്നും ഒരു കഥയുമില്ല. ആ വേൾഡ് കപ്പിന്റെ ഫാഷൻ, ഡിസൈൻ ഒന്നും പോരാ. ഗോൾഡൻ ബൂട്ട് ഒന്നും കിട്ടിയിട്ട് ഒരു കാര്യവുമില്ല. മഴ കാലത്തു പോലും അത് ഉപയോഗിക്കുവാൻ ആകില്ല. എന്തിനു സ്വർണത്തിന്ന് ഈയ്യിടെയായി വില കുറയുന്നു. പഴയ മാർക്കറ്റ് ഇല്ല. അങ്ങനെ നോക്കുമ്പോൾ ഗോൾഡൻ ബൂട്ട് തൂക്കി വിറ്റാലും വലിയ പൈസയൊന്നും കിട്ടാനില്ല.
ഇതുപോലെയുള്ള തോൽവികളാണ് വലിയ ടീമുകളെ വാർത്തെടുക്കുന്നത്, ഇംഗ്ലണ്ട് ടീമും ഇനി വലിയ ടീമാകാൻ പോവുകയാണെന്നർത്ഥം! (വാൽ കഷ്ണം... ഇനി BEPF സഖ്യം നിലവിൽ വരണം. ബ്രസീൽ, ഇംഗ്ലണ്ട്, പോർട്ടുഗീസ്, ഫ്രാൻസ് സഖ്യം, ഫാൻസുകാർ കേരളത്തിൽ ഒന്നിച്ചു നിൽക്കണം). ഞാൻ ഇനി final പ്രവചനത്തിന് ഇല്ല, മതിയായി. വയറു നിറഞ്ഞു. അല്ലെങ്കിലും ഇവരിൽ ആരു ജയിച്ചാലും നമുക്ക് എന്ത്?'
ENGLISH SUMMARY:
