ഗോൾഡൻ ബൂട്ട് തേടി മെസിയുടെ മാന്ത്രിക കുതിപ്പ്: എംബാപ്പെയെ പിന്തള്ളി മിശിഹായുടെ മുന്നേറ്റം

കിലിയന്‍ എംബാപ്പയെ മറികടന്ന് ലോകകപ്പ് ഗോള്‍ഡന്‍ ബൂട്ടിനായുള്ള പോരാട്ടത്തില്‍ ലയണല്‍ മെസി മുന്നിലെത്തി. ഇംഗ്ലണ്ടിനെതിരെ രണ്ടുഗോളുകള്‍ക്ക് വഴിയൊരുക്കിയതോടെയാണ് സുവര്‍ണപാദുകത്തിനായുള്ള കുതിപ്പില്‍ ലീഡെടുത്തത്. ലോകകപ്പ് കരിയറിലെ‍ അസിസ്റ്റുകളുടെ എണ്ണം 12 ആയി. 

മെസിക്ക് ഫൈനലും എംബാപ്പെയ്ക്ക് മൂന്നാം സ്ഥാനത്തിനായുള്ള മല്‍സരവും അവശേഷിക്കുന്നുണ്ട്. ലയണൽ മെസ്സിയുടെ ലോകകപ്പ് കുതിപ്പിനെക്കുറിച്ച് ചോദിച്ചിരുന്ന ഒരു ചോദ്യമേയുണ്ടായിരുന്നുള്ളൂ. ടൂർണമെന്റിലെ വമ്പൻ ടീമുകള്‍ക്കെതിരെ ഇതേ മാന്ത്രിക പ്രകടനം പുറത്തെടുക്കാൻ അദ്ദേഹത്തിന് കഴിയുമോ? സെമി ഫൈനലിലേക്കുള്ള അർജന്റീനയുടെ വഴിയിൽ ഒരു കരുത്തരായ എതിരാളി ഇല്ലാതിരുന്നത് മെസ്സിയുടെ കുറ്റമായിരുന്നില്ല. ടൂർണമെന്റിൽ അർജന്റീന നേരിട്ട ഏറ്റവും ശക്തരായ എതിരാളികളായ ഇംഗ്ലണ്ട് ഒടുവിൽ മുന്നിലെത്തിയപ്പോൾ, മെസ്സി ഒരിക്കൽ കൂടി അത് തെളിയിച്ചു. മുന്നില്‍വരുന്നത് ഏത് വമ്പനായാലും തോല്‍പ്പിക്കുമെന്ന്.  

കരിയറിൽ ആദ്യമായി ഒരു ലോകകപ്പിൽ ഇംഗ്ലണ്ടിനെതിരെ കളത്തിലിറങ്ങിയ മെസി ഒരിക്കൽ കൂടി അർജന്റീനയുടെ നിർണായക താരമായി. മത്സരത്തിന്റെ അവസാന ഘട്ടങ്ങളിൽ ഇംഗ്ലണ്ട് പ്രതിരോധത്തിലേക്ക് പിൻവാങ്ങിയതോടെ, മെസ്സി കളിയുടെ നിയന്ത്രണം ഏറ്റെടുത്തു.  നിരന്തരമായ ഓട്ടം കൊണ്ടല്ല മത്സരത്തിൽ ആധിപത്യം സ്ഥാപിക്കുന്നത്. ടൈമിങ്ങും ദീര്‍ഘവീക്ഷണവും മെസിയെ മിശിഹായാക്കുന്നു. രണ്ട് അസിസ്റ്റുകളോടെ ടൂര്‍ണമെന്റില്‍ മെസ്സിക്ക് എട്ട് ഗോളുകളും നാല് അസിസ്റ്റുകളുമായി. ഇതോടെ, അസിസ്റ്റുകളുടെ എണ്ണത്തിലെ മുൻതൂക്കത്തിൽ, ടൂർണമെന്റിലെ ഗോൾഡൻ ബൂട്ടിനായുള്ള പോരാട്ടത്തിൽ കിലിയൻ എംബപെയെ മെസി മറികടന്നു.